|
رد: نصائح توجهونها لـ مستوى ثاني سابقاَ ومستوى ثالث حالياَ ..
ياهلا ومرحبا بمستوى ثالث
اول شي عالبركه وصولكم لهالمستوى وعقبال التخرج للكل ي رب
نبدأ بالمواد
تقنية معلومات : ماده اشوفها ممتعه وخاصتاً ان اغلب هالجيل يعتمد بشكل اساسي عالكمبيوتر والاجهزه الالكترونيه فعشان كذا الماده بتكون سهله عليك بس مو معناة هالكلام يعني مانذاكر لازم تذاكر الماده وتركز فيها وتحفظها وبتتسسهل عليك ان شاء الله 
نظم معلومات : وأأه من نظم المعلومات 
ماده غثيثه بثره ودكتورها ابثر مع انوه نفس دكتور التقنيه الا ان التقنيه معلوماتها ماتعطيه مجال يجيب شي صعب لكن النظم جاب فينا العيد اسئله من بين السطور بالموت تقدر تطلعها من المحتوى او تتوقع انوه يجيبها يعني يبي لها مذاااكرره دقققيييقه وبأذن الله تعدونها .. 
اداره ماليه : يبي لها مذاكره قبل الاختبارات بوقت وهي ماده حلوه وممتعه مع انها مسائل لكن مسائلها ممتعه وسهله مع الفهم وحفظ الخطوات ودكتورها الله يوفقه ويسعده دنيا واخره سهلها علينا 
محاسبه اداريه وتكاليف : حلوه هالماده بين السهوله والصعوبه ولازم تذاكرها قبل الاختبارات بوقت لان اغلبها مسائل ويبي لها فهم وتركيز ودكتورها مممتاز بالشرح وبالأسئله
الاحصاء بالاداره : يبي لها متاااببببعه ذاكروها من قلب ولا حطو لكم مدرس خصوصي عل وعسى تفهمونها ماابي اخوفكم بس هذي الحقيقه والواقع بس الله يوفق دكتورها كرر لنا معظم الاسئله اللي فهمناها من الاعوام السابقه ولا كان جبنا العيد 
|