|
خذوا من عندي 10 علامات في اختبار الانجليزي
باذن اللي ماتنام عينه تاخذوا من وراء هذا الموضوع 10 علامات كحد ادنى
وهو موضوع القطع حيث ذكر الدكتور بانه يبي يجيب بالاختبار قطعتين من الكتاب
وقطعة من خارج الكتاب حلو الكلام .. حلو
اذا لابد من حل اسئلة القطع اللي في الكتاب واللي ماله في الانجليزي حظ
لايخجل ولايستحي هي عملية قبول انا درست الفرنسي 3 اشهر واخذت
شهادة في البيسك وبعد3 اسابيع نسيت نصه وبعد شهرين طار الباقي
لانه ماله قبول عندي درسته لقافه لذا لاتزعل ولاتتنكد وسع صدرك وربك يحلها
اللي الانجليزي مسويله صداع نصيحة لايضيع وقته لايمكن تستوعب في يومين
تبي تنجح بمعدل طيب سوي اللي اقولك عليه
1- اسئلة واجابة القطع اللي ابي احطها بهالموضوع صورها بعقلك يعني لو غير
الدكتور ترتيب الاسئلة تعرف تجاوب
2- ركز على الواجبات والاختبار الفصلي واطبعهم بالمخ
3- خلاص كذا انت تمام التمام
4- فلها وعندك بالمنتدى فيه حوالى 8 كويزات روح شخبط وتسلى فيهم وكانك تلعب من سيربح المليون
بس حاول تركز في السؤال والجواب مع التكرار ترسخ اسئلة كثير
والان نبدء باسم الله مع اول قطعة
الان نجاوب على اسئلتها ونحدد الاجابة ايضا على القطعة
لاتركزوا على موقع السؤال فقد يتم تغيير ترتيبه ركزوا على السؤال والجواب
وخزنوه في الذاكره ... تفضلوا
خلصنا من الاولة وش حلاتها كلها 3 اسئلة اللي بعده
هنا نجد اسئلة 2 لاتنتمي للقطعة 2 بل اسئلة 3 هي للقطعة 2
لذا وجب التنبيه
هذه السؤال خطير
يقول ان 58% من الامريكان مايغسلوا مواعين الطعام مباشرة بعد ماياكلوا
وان 5% يتركوا المواعين بدون غسيل يومين واكثر الله يقرفهم
وبعدين يقول الحبيب ان نسبة ----- الامريكان اللي مايغسلوا اوانيهم
بعد الاكل وحاط نسب ماتركب لان اللي مايغسلوا بعد الاكل 58
والقذرين ابو 5% يصير المجموع 63% وهذا الرقم غير موجود
واقرب الارقام 5% ولكنه للفئة القذرة و58% للي يغسلوا بس
مباشرة وبمااننا انلدغنا من مسيو فراس حداد
يعني ان 5% من ضمن 58% كلهم مايغسلوا بس ناس اسرع من ناس
اذا الجواب 58% ويفضل احد يتواصل مع الدكتور حول هذه النقطة ويفيدنا
اللي بعده نروح لحقين النور والغسيل
السؤال الجاي مخادع حتي في موقعه مخادع
خلوا بالكم
نجي للعزابيه لحقين الغسيل
الثلاتة القطع القادمة اتوقع تجي بالاختبار مجرد احساس
اعذروني اذن الفجر وانا ماخلصت رايح اجاوب على الاسئلة بدون شرح
هذه القطعة الاولى
وهذه الثانية والثالثة
انتهت ولله الحمد جميع القطع اللي عليها اسئلة
ارجو من الله ان يتقبل منا ورجاء لاتبخلوا علي او على اي شخص يقدم لنا مساعدة بدعوة صادقة لانه اقتطع هذا الوقت من وقت اسرته وعائلته واثارنا عليهم فهل نبخل عليهم بدعوة لنا منها نصيب باذن الله اللهم اغفرلنا ولوالدينا وللمؤمنين والمؤمنات والمسلمين والمسلمات الاحياء منهم والاموات وصلى الله على سيدنا محمد وعلى اله وصحبه وسلم
التعديل الأخير تم بواسطة اهلاوي ملكي ; 2014- 1- 14 الساعة 06:51 AM
|