يسعد صباحكم بكل خير وسعاده
والله يجعل نهـايه جهدنا وتعبنا بالاختبارات فرحا ونجاحا.يارب
بما اننا اخوان هنا بالملتقى ،، عند مشكله صغيره وحابه انكم تساعدوني فيها وامااستغنى عن آرائكم اللي ممكن تهديني الى حل مناسب لهذا المشكله.
موضوعي كالتالي :
انا عندي صديقه (
يتيمه ) ،، أمنيتها تكمل دراستها وحابه مجال التمريض او العمل بالمستشفى لكن مشكلتها الوحيده شهادتها (ادبي ) ومضى على شهادتها تسع سنوات ،، اقترحت عليها تكمل بجامعه فيصل بس تقول مافيه تخصص يخليني اطلع ممرضه >>> فكيها من اقتراحاتس
دخلت النت وبحثت عن كل الجامعات الطيبه كلهم يقولون لازم شهادتها (علمي) كلمت مستشفى سعد وبعض الكليات الطيبه الأهلية
كلهم يقولون لازم شهاده علمي ، ماينفع ادبي لهذ المجال. ،،
اقترحت عليها اقتراح انها تعيد (ثانوي قسم علمي لو منازل لانهم ماراح يقبلونها انتظام ) لكن قالت صعبه علي أعيد ثانوي
البنت للحين ودها تكمل دراستها بمجال التمريض او العمل بمستشفى لان تقول رواتبهم حلوه وهي تبي مستقبل مضمون والتمريض او العمل بمستشفى رواتبهم حلوه مثل ماتقول ،، وانا حابه اساعدها لانها يتيمه
على فكرة ماعندها مانع وتدرس بجامعه اهليه طيبه بس اهم شي يقبلونها على شهادة الأدبي
والله مادري احترت كل الحلول دورتها مانفعتني فقلت اعرض عليكم هالمشكله لعل وعسى ألقى حل منكم يساعدني علشان اقولها وتحقق حلمها
انتظر آرائكم. القيمه بهذا الموضوع. ،،