بالنسبة لي مواد المستوى الثاني جداً جميله
بس طبعا يبغالكم متابعة اول بأول
وخصوصا بمادة الانجليزي قراءة لان الكلمات مرره كثيره فيunit الواحد
تقريبا شي وخمسين كلمه ..... يعني شدوا حيلكم وذاكروا اول بأول والمادة جدا حلوه بالمتابعة
ويتكلم عن قصص والكلمات الجديدة في القصة
يعني اغلبه كلمات ومعانيها وأسئلة شي بسيط عن القصص
وإنجليزي كتابه مو محادثة .... بعد يبغالكم تشدون حيلكم وتذاكر ون اول بأول وبتتعلمون فيه طريقة الكتابه لأكثر من شي
القراءة و المحادثة جدا حلوه هالمادة كان على ما اعتقد على الفاينل 70 ... تخليكم تقرون قطعة وتستخرجون اشياء مثل جمع تكسير او فعل
او تختار لكم كلمة وتقول لكم شنو هذي ...... بس لا تستهينون فيها لان في ناس يحملونها
التلاوة والتجويد ... حفظ قران ولازم تشوفون المحاضرات وتتابعون مع الدكتوذ اول باول لان بتتعلمون كيف الاستخراج مثل ( الإظهار- الإخفاء --- الخ )
امتحان الفاينل كان تسميع قران وقراءة جزئية معينه حاضر واستخراج اي حكم من اللي درستوه سواء إظهار او إقلاب او إخفاء --- الخ
الإحصاء حلو بس يبغالكم متابعة اول بأول
وأذا مافهمتوا من شرح الدكتور/ه الله يخلي اليوتيوب انا بالنسبة لي مرره استفدت من بعض الأشياء
التذوق الأدبي ماده جميله
مادة مبادى إدارة ---- مو علم اجتماع هالمادة تتكلم عن الإدارة والمدير --- الخ يبغالكم تشدون حيلكم فيها لان الكلام كثير و يبغاله حفظ
نحو تطبيقي 2 يبغالكم متابعه على شان ما تتوهقون بمذاكرته للفاينل
برامج الحاسب ---- المادة جدا جميله
ربي يوفقكم وييسر لكم
فالكم التوفيق