2014- 1- 15
|
 |
أكـاديـمـي
|
|
|
|
|
وجودي وجود اللي حداها الذرى والشبك
السلام عليكم ورحمة الله وبركاته
اقدم لكم هذه القصيدة عسى ان تنال علي اعجابكم
الشاعر : ,,حمد السعيد ،،
،،
وجودي وجود اللي حداها الذرى والشبك ***شعتهـا البـروق وذكرتهـا مرابعهـا
تكسر عبايرها وتـرزم رزيـم ودبـك ***عطت عمرها لامقدم الشبـك جابعهـا
ولا تسمع ألا عوقها يوم قال أبك أبـك ***ولا صبحـت لا راعـى الـذود بايعهـا
على اللي سكاكينه تحبك المفاصل حبك ***وقامـت مـدورة الفقـارى تقاطعهـا
وجودي عليك ووجد حالي وياما اصعبك ***ظروف حدتني عنـك مانـي بطايعهـا
أيا واحدٍ لـوك بعيـدٍ علـيّ مقربـك ***سكنت العيون وكـن قلبـي منازعهـا
ولا من ذكرتك يالغلا والزمن قال إبـك ***تداريك عينـي يـوم تـذرف مدامعهـا
تخاف الدموع بسيل الأشواق لا تشربك ***وتفقد عيوني صورتك وأنـت طابعهـا
أنا البارحة لاني بخاسـر ولا كاسبـك ***وتلعب بي الفرقا على روس أصابعها
تذكرت بيت أوحيتـه العـام ويناسبـك ***وأظنـه يناسـب حالتـي ياملوعـهـا
بدون إلتزام بمذهب القافيـة والسبـك ***وكـل احترامـي للقصيـد ومراجعهـا
( عسى من حداني عن وليفي وأنا باغيه ***تحده ذنوبه مـا يجـي بـارد الجنـة )
على البيـت هـذا والضميـر إن بـدا يأنبك ***فلي رغبة مدري متى كنـت تشبعهـا
أيا السالب اللي من عرفتك وأنا موجبك ***ولا وين نفسي عن مواصلـك تمنعهـا
ياليت الليالي في مكاني شهـر تقلبـك ***وأصير بمكانك وأنـت ليتـك تجرعهـا
مرارة فراقك يمكـن تحـس بمعذبـك ***ونفسك عقب طول المفـارق تراجعهـا
كتبتك بعمري بس أخاف الجفا يشطبك ***ولا من شطبك الوقت رح عـاد رقعهـا
زمن يا مفرق شمل الأحباب أنا بشاربك ***قلوب الولايـف ليتـك اللـي تجمعهـا
كفانا قساوة خطوتك يا زمـن طالبـك ***وسومك على وجيه البشر من مدامعها
حداني على طرق التوجد حبيسـة شـبك ***سنا البرق ذكرهـا الولايـف وضيعهـا
سنه والصفر لا روحـت وارده تطربـك ***ولكـن طويـل الوقـت عـيا يطبعهـا
وأنا مثلها رغم الجفا ما قدرت أشطبـك ***عيوني على فرقـاك تـذرف مدامعهـا
،،
وسلامة الجميع
|