انا محولة من كلية الاداب جامعة الدمام الى كلية الاداب جامعة الملك فيصل
يعني تقريبا الدراسة وحدة ونفس الشي الفرق الوحيد اللي اكتشفته ان دكاترة اداب الدمام ماتصرح باللي معنا وتقول كل شي معكم بالاختبار حتى اللي ماشرحته ذا صار لي في الادب وبالاخير ماطلعت من شرحها وتندمت اني اهملت والبنات كانوا يسوون تفريغ للمحاضرات وينجحون بدرجات عالية وانا كنت اذاكر اللي موجود واللي مو موجود ولا اجيب زين بالاخير اكتشفت انهم مايطلعون من الشرح والدليل البنات اللي كانوا يسجلون المحاضرات ويفرغونها ينجحون بدرجات عالية
على العموم انا ندمت اني حولت للاحسا لسببين والمفروض اني قد تخرجت وتخيلي باقي لي اكثر من 30مادة المهم السبب الاول اجباري تدرسين اول ترم مواد عامة :( بدون تخصص السبب الثاني فيه اختبار تخصص اذا نجحتي تدخلين انجليزي حتى لو انك محولة ومتخصصة ذا مو عذر عندهم الحمدلله عديت بس وحدة معي ماعدت ودخلوها تاريخ وعاد شوفي نفسيتها غير كذا الشعب دائما مغلقة بسبب كثرة البنات وقلة الشعب و قلة الدكاترة
انا انصحك استخيري اول ثم شدي حيلك ذا الترم بالدمام وبعدها انتي قرري اذا تبين تنقلين او لا وانصحك تسجلين المحاضرات وتسوين لها تفريغ وان شاءالله يكون فيه تغيير