المشاركة الأصلية كتبت بواسطة رضوان

مشكور على النصيحة عزيزي

المشكلة مافي تخصص محدد في بالي, أحب اللغة الإنجليزية,
وأنا موظف إداري وبودي أدخل على الأعمال الحرة وارتاح من قرف الوظيفة

أي من هذه التخصصات ممتاز بالنسبة لي

بالنسبة للدراسة في جامعة أهلية, هذي يبي لها تخطيط
قبل لا أسجل في جامعة الملك فيصل رحت معرض تسويقي للجامعات الأهلية في البحرين, كان عندهم كل شي تقريبا, حتى الدراسات العليا

بس قالوا لنا أن هذي الجامعات لا تعترف بها وزارة التعليم العالي في السعودية ما عدى جامعة البحرين وجامعة الخليج

يعني اللي مخطط على وظيفة حكومية ما عندنا له شي, بس اللي يبي يشتغل في شركة مثل أرامكو أو سابك عادي يقبلون الشهادة

وفي الخارج عندهم القبول سهالات, أهم شي الدفع
خويي متخرج معاي من معهد الإدارة راح بريطانيا وحسبوا له الساعات اللي درسها في المعهد وكمل عليها كم ساعة وأخذ البكالوريوس والآن قرب يخلص عندهم الماستر

بس ما كسر بخاطري إلا لما عرفت إن لندن السنة اللي طافت عندهم الليل في رمضان كان أربع ساعات بس :looking_anim:

جاري التفكير على الهامش