السلام عليكم ..
ترجمة أنواع النصوص ..
أخذتها مع دكتوره سلوى .. الماده أوسع من نظرية الترجمة بس بالنسبه لي أسهل ..
تعطيكم نصوص من الجرائد والأخبار وتترجمونها .. بعضها عربي وبعضها انقلش ..
أخذنا نصوص سياسيه ، صحيه ، اقتصاديه واجتماعية بس .. كل اسبوع او أسبوعين تمسكون نوع ..
اهتمي بالواجبات لأنك بتحتاجين درجتها ..
اللغويات التطبيقية ..
ماده حلوه وممتعه .. وسهله نوعا ما ..
أخذتها مع د/هدى كانت متعاونه وممتع شرحها .. الدروس قسمتها برزنتيشنات بين البنات وهي تشرح معهم .. أعجبتني طريقتها لأنها ماكانت تلزمنا بشي معين .. حتى للاختبار تقول اهم شي المعلومه صحيحه حتى لو مو من الكتاب ..
حددت لنا الكتاب والتعاريف وعطتنا أوراق نذاكر منها ..
الشعر الرومنسي ..
أخذتها مع دكتوره حصه ورحمات .. ماده عاديه قصائد وما إلى ذلك ..
الرواية الحديثة..
أخذتها مع د/ مها سلام ..
أخذنا روايتين the beast in the jungle و the yellow wallpaper
الماده حلوه وممتعه نوعا ما بس شدي حييييييلك في أعمال السنه ، دفعتي ما اذكر احد دخل الفاينال متطمن درجاتنا كانت مو حلوه ولله الحمد :)
Syntax and morphology .
كنت مع د/ امل
الماده نحو وصرف يعني قرامر بشكل مووووسسسسع .. بصراحه كانت ثقيلة شوي مع اني احب القرامر:)
تعرفكم ع أجزاء الكلام والجمله وكيف تقسمين الجمله تقسيم شجري وما إلى ذلك .
بالنسبة لي جزئية السينتاكس أسهل ..
علم الدلالة والمعاني ..
أخذتها مع د/ احمد حسن
الماده تدرس المعنى بشكل عام ..
معنى الجمل والمعنى الظاهر او الخفي و الأشياء اللي تأثر باستيعاب المعنى..
الماده حليوه بس يبيلها .. دكتور احمد كان رائع معانا وعطلنا واجبات وكويزات عشان نرفع درجاتنا .. الله يسعده :)
نظرية المعرفة ..
ماده استغفر الله بس ! المفروض ماتكون ماده عامه المفروض مادة تخصص !
كنت احفظ كلمات مدري وش معناها :)
مابي اخوفك لأن الناس قدرات بعد :) هي فيها السهل والصعب بس الغالب صعب
أخذتها مع دكتور مبروك .. حلو ويساعد ويكتب لكم اسئلة كل محاضره..
هذي المواد اللي أخذتها ويارب أفدتك ..
وكل إنسان له تجربه مختلفه مو ضروري اللي اقول سهل يكون سهل او العكس..
بالنسبه ايش تاخذين .. انتي افتحي الخطه وشوفي ايش المواد اللي لها متطلبات عشان مايتأخر تخرجك .. بالتوفيق !