ملاك يعطيك العافيه هذي الفكرة في بالي وكنت راح اعرضها بعد ما نشوف المقررات بس مشاء الله عليك سبقتيني
وهذي بعض افكاري
الفكرة كل مقرر يكون فيه رئيس مجموعه
مثلاً رياضيات الادارة يكون فيه
1 رئيس ويكون مسئول عن المجموعه حقته يراجع الملخص ويراجع الكويزات لان سبحان الله يكون في اغلاط احياناً سهو مب مقصود
2 شخص مسئول عن عمل الكويزات
3 شخص مسئول عن التمارين بحل وشرح طريقة الحل اللي اقصدها مثل اللي كان يعطينا اياها ثابت بعد كل محاضره
انا عندي فكرة اذا امكن تستخدمون البوربوينت انا بحاول امسك مقرر اسوى فيه الملخصات بور بوينت جدا ممتع البوربوينت
ويساعد على حفظ المعلومه بطريقة الخرائط الذهنيه
ياليت ياليت الملخصات نسويها اول باول ونجمعها ببداية كل موضوع على شان ما نتاخر بالملخصات مثل السمستر الاول
وعندي فكرة بعد بتشجع الكل على الدراسه الفكرة ان نحدد يوم بالاسبوع لكل مادة نذاكر فيها مع بعض ونساعد بعض بس بشرط اللي يشارك يكون شاف المحاضره واللي مو فاهم ينزل الاستفسار ونساعده بالقسم الخاص بالمذاكرة
مثلاً احنا عندنا 6 مقررات كل يوم مقرر
الاحد مثلاً رياضيات الادارة.
الاثنين مبادئ الادارة
الثلاثاء مبادى التسويق وكذا
ونحدد ساعه لدخول الاعضاء على شان الكل يكون موجود
وبس واي افكار عندي تفيد بقولها لكم
الغلطة اللي غلطها البعض ان ذاكر المادة قبلها بيوم او قبلها. باسبوع اقولهم ما راح تنفع هذي المذاكرة بالسمسترات. الجايه لان معلومات دسمه تحتاج مذاكرة اول بأول لاتنسون ان كل مادة 3 ساعات ما عدا العقيدة والاخلاق 2
بالنسبه ل 3 ساعات تأثر كثير على المعدل شدو حيلكم