بقول بكم تجربتي بالترم الأول
نحو 1 رزان خدام عسوله و تساعد و تسهل المنهج بأوراق وزعتها علينا اختصرت لنا المحاضرات و تطلب بحث أما فردي او جماعي كل وحده تختار اللي يريحها و سوت لنا كويزات يعني تساعدك تجمعين درجات و تذكرك تجيبين الواجب او البحث لآخر أسبوع و هي تذكر البنات الله يسعدها
تقنيه معلومات أخذت عند عذاري الراجحي تججججن و محاضراتها ما تنمل و تسوي كويزات و بمحاضره خلت اللي تبي تطلع تشرح و لها درجه و امتحاناتها حلوه و سهله
تحرير عربي مشاعل العكلي حليوه تشرح على العروض و تطلعنا بدري بس مو كل شيء تشرحه يعني مره جات بدالها دكتوره عطتها محاضره وحده لانها غابت و قالت بنجيكم لما شرحت لنا و تسالنا عن المحاضرات السابقة تورطنا أشياء ما شرحتها لنا مشاعل و بالنهائي كانت الأسئلة تجيب المرض دقيقه جدددددداً عكس الشهري و بالاثنين كانت درجاتنا زفت
صحه و لياقه طيييييبه كثيررر محاضرتها ممله تسال بالمحاضره و تأخذ المشاركات عموماً المادة سهله و اسئلتها أسهل
انجليزي عام سميرة الهي تسولف و تضحك بس اللي ما تعرف انجليزي بتتورط مثلي لانها لما تشرح ولا كلمه عربي و حتى اسئله الكتاب تملينا ما تكتب شيء حملت الماده عندها نصيحه اللي ميح او ما تفهم كثير بالانجليزي لا تقربها
فقه السيرة ومااااا إدراك ما فقه السيرة محمد اسود بالمحاضره يقرااااء فقط و بعد كم محاضرة بدا يأخذ المشاركة بالأسماء و ما يسال عن نفس المحاضرة لا عن الأشياء السابقة و دقيق جداً مع انه ما يتعب نفسه و يشرح مزك على الأدلة و ما يحدد و يقول كل الكتاب معكم و بالامتحان النهائي طنش نص الكتاب و مركز على غزوة بدر بكل تفاصيلها الدقيقة مع انه جابها لنا بالميد ترم و يقاله بيساعدنا اختبرنا عيانا سؤالين عليهم 10 درجات أشياء محد يذكرها لانه قراها و مر عليها مرور الكرام اغلب الشعبه حملت الماده عنده حسبي الله عليه
نظام اجتماعي. عادل حسن الله يسعده طيوب صحيح يتكلم كثير و يشرح بس حبوب و يعطي واجبات و أسئلته حلوه و يعطي درجات على المشاركة و اخر أسبوع قال اللي ما شاركت بسالها و لما أخذ الحضور و كانا كثير قال خلاص بدون ما اسأل يعطيكم درجه المشاركة كامله لأنكم حضرتوا الله يسعده
احصاء أمل ياسين ما تحب الكلام بالمحاضرةو لا التأخير اكثر من ربع ساعه بس تسهل الماده كثيررر و تبسطها و تسال اللي ما فهمت تقول و تعطي واجبات و عطتنا واجب تحسين كلها على البلاك بورد الا واجب واحد كان بالقاعة بس طيوبه و تفهم
مبادئ أداره اعشق هالمادة و دكتورتها إيمان إبراهيم تحسسك ما كأنها محاضره و عسسسل و نفسيتها حلوه و أسلوبها يجنن و تساعد بالدرجات طلبت منا بحثين فردي و جماعي عليهم 25 درجه الله يسعدها
هذه تجربتي بحياديه و طبعاً اللي مهمله او من النوع اللي يسولف او ما تحترم اللي قدامها لا تنتظر مساعده من هالدكاتره او غيرهم
ان شاءالله أكون أفدتكم و اسفه على الإطالة و الله يوفقنا أجمعين