اول شي قدر الله وما شاء فعل
والمؤمن يرضى بالقدر خيره وشره
والله مابي لا اتفلسف ولا اطيب خواطر وبس
ابي بس اذكركم واذكر نفسي بلحظه مثل هذي
ان الاستسلام ضعف وانا حطيت الموضوع هنا خاصه لاننا مستوى اول
التعثر لايعني نهاية
وابي تحطون في بالكم شي واحد كم واحد منا واحنا آلاف ويمكن انا او احد غيري
وحتى اللي فرحان واخذ امتياز هالترم يمكن مايكمل لسبب او لآخر
ويكون شخص حمل ماده او اكثر يكمل ويتخرج
ابي كل واحد منكم في لحظة يأس يسأل نفسه هالسؤال معقوله كل واحد عدا ولاحمل ماده
بيتكمل وبيتخرج ؟
الجواب المنطقي لا
محد يعرف شمخبيله القدر بكرا والشي اللي انت مقتنع تمام الاقتناع فيه وتبيه اذا قمت بالاسباب ربي بيوفقك
ماراح اقول لا تتضايق ولا تزعل انا اقول لا تستسلم اقسم بالله اللي حمل في بدايته ماده او اكثر واصر ونجح وكمل
ان فرحته باضعاف من تخرج بمرتبة الشرف الاولى
والشيء اللي يجي بدون تعب ماله اي طعم الفشل احيانا هو محفز النجاح خصوصا للنفوس المصممه
والله مابي من كلامي هذا كله الا مصلحة الجميع لاني والله لو حملة ماده ابي شخص يحرضني عالنجاح
ويبعد فكرة اليأس عني
ولكل واحد منكم بيصر وبيكافح ويعدي اتمنى بعد مايتخرج اذا هو من نفسه او قرأ كلامي واقتنع فيه
ما ابي منه الا دعوه بظهر الغيب
ويارب انك تسهل كل عسير على من شال هم ماده وتبدل حزنه سعاده اللهم آمين
احترامي