انا متفق معاك صعبة
وظيفة ودراسة وبالذات قطاع خاص
لكن طيب وش الحل؟
تبغي تبقى على شهادتك؟ او شهادة ضعيفة؟
شهادة قوية لازم تعب وتضحيات
انا غلطت بالإهمال والتأجيل
بالذات انا أداوم دوامين وما أطلع إلا تسع الليل !
فيجي الويكند ابغي ارتاح فيه
آخر اسبوع قبل رفع درجات المشاركة توني احل واجباتي والمناقشات وتحميل المحاضرات
الحمدلله الدوام عطوني اجازة اسبوعين
لكن اخلص السبت الاحد اداوم
وطول فترة الاختبارات الدوام مكالمات وشغل من البيت
لدرجة قبل اختبار الرياضيات بنص ساعة
انا بالسيارة اشتغل للدوام على التابلت !
لكن الحمدلله اسبوعين ماشفت فيهم شارع ولا مسكت جوال وهذرة واتس اب
كلها مذاكرة للفجر مايقاطعها الا الدوام
وغلطتي كل مادة امسكها مااعندي اي فكرة وش تتكلم عنه !
الحمدلله عديت ودرجات حلوة
لكن في غلط مني بأني ما استعديت
والوقت ضيق بالنسبة لدوامي لكن ما ابغي احط هالشي حجة
قدامي طريق طويل ربي يسهله لي ولكم