المشاركة الأصلية كتبت بواسطة احمد الرفاعي

السلام عليكم ورحمة الله وبركاته



ابغى ادخل فالموضوع على طول

طبعاً انا وزوجتي سجلنا في هذي الجامعه وهذا أول ترم لنا في تخصص ادارة الأعمال

والمواد اللي نازله نفسها ولا يوجد أي فرق بيني وبينها

وطبعاً واجباتنا وحده وحلول واجباتنا وحده لا يوجد فيها أي فرق

انا راسب في جميع المواد وهيا راسبه في جميع المواد

هذا شي مكتوب عند ربي ما اختلفنا فيه ولا عندي أي اعتراض

لكن الغريب فالموضوع لييييييييش درجة الأعمال الفصلية مختلفه بيني وبينها ؟؟؟

انا اللي حليت واجباتها وواجباتي كلها ومتأكد من الاجابات وكل شي

كل اجاباتنا وحده ولا يوجد أي فرق مع العلم انه بعض الواجبات يوجد اختلاف في ترتيب الأسئله بين الشباب والبنات

وحتى بعد ما أحل واجباتي وواجبتها اتأكد اني اخذت 3 من 3، يعني متأكد من كل شي 100% انه انا وهي نفس الشي

مافي أي فرق بيني وبينها فالواجبات

لكن ليش الدرجات مختلفه بيني وبينها ؟ ليش تظلموا الطلاب والطالبات وتلعبوا بدرجاتهم ؟

هذا معناته انه مافي أي مصداقيه فالجامعه هذي مع احترامي

حضرتهم قاعدين يلعبوا بدرجاتنا على مزاجهم

أو انه السيستم حقهم مضروب وقاعد يوزع درجات على كيفه

وهذي صورة علاماتي وعلاماتها شوفوا الفرق في درجة الأعمال الفصلية



هذا جدول درجاتي:




وهذا جدول درجات زوجتي:




و الله يا جماعة الخير هذا اللي حصل معايا ومثل ما انتم شايفين اختلاف درجات الأعمال الفصليه بيني وبينها

صحيح انه الاختلاف بسيط لكن ليش هذا الافتراء واللعب واللامبالاة وعدم التركيز في وضع الدرجات ؟

و الله على ما اقوله شاهد، انتبهوا على درجاتكم وراجعوها الجامعه هذي مالها أمان

الله وأعلم كيف درجات الاختبار الظاهر انهم مخبصين من راسهم نفس الشي ومافي أي مصداقية

عالعموم انا قدمت شكوى في ايقونة التظلمات ونشوف ايش ردهم على تخبيصهم هذا

انا ماسرت اضمن نفسي بالجامعه هذي ومعد عندي أي ائتمان لها

لكن مجبور عليها وماعندي غيرها ولولا لقمة العيش ماكان الواحد كمل جامعه ووجع راسه

وسامحوني اذا قلت كلمة تزعل لكن الموضوع حارق قلبي صراحه وما ينسكت عليه

لكن الواحد مايحب يكون حقه مهضوم من الناس او من جامعه

وألف مبروك للناجحين والله يوفق الجميع يارب