وعليكم السلام والرحمة ..
اول شي الله يبارك فيكي ومبروك الك كمان انتقالك للمستوى الثاني .. بالتوفييق ^_^
انطباعي انا شخصيا عن المواد بشكل عام فيها نوع من السهولة ..
بالنسبة لعلم الاجتماع : اسماء العلماء والتعاريف اكثر شي تركزين عليه اربطي اسماء العلماء بروابط محددة كل عالم مع تعريفه .. المادة بشكل عام تعتمد على الحياة العامية لانها تدرس المجتمع ..
انجليزي كتابة : بشكل عام سهلة اغلبها قواعد مكررة من ايام المتوسط والثانوي طبعا مع بعض الزيادات .. ماعليكي الا تفهمي القاعدات وان شاء الله بيكون سهل
انجليزي قراءة : سهلة جدا مجرد قطع وعليها اسئلة فقط اقرأيها وترجمي والاسئلة من القطعة نفسها
التجويد : افهمي الاحكام واغلب اسئلة اختبارنا كانت ما الحكم التجويدي في الاية ..
النحو : طبعا فهم النحو والدكتور ربي يجزاه خير شرحه جدا واضح فقط احضري المحاضرات اول بأول رح تكون سهلة ..
التذوق الأدبي : مادة ممتعة ومن فينا ما يحب الشعر ؟ ^_^
اسئلة الاختبار كانت ابيات ويقوللك من القائل ويجيب كم سؤال عن القصيدة .. احفظي معاني الكلمات بس مارح يجيبلك الكلمة كذا ويقول معناها .. لا بيجيبلك البيت والكلمة موجودة فيه فبتكون سهلة ..
القراءة والمحادثة : افهميها فهم وحاولي ترجعي للكتب ولو بشكل سريع لأن بتكون منها اسئلة .. حتى الكتب ماجاب من عمق الكتاب بيجيب من الملاحظات الجانبية في الكتاب ..
فقه السيرة : كلها تحكي عن سيرة الرسول صلى الله عليه وسلم المحاضرات اللي يقولها الدكتور كافية تخليكي تجيبي امتياز لان هو مو مجرد سرد للسيرة لا كل موقف فيه تحليل من الناحية السياسية والدينية ... الخ
بس عليكي حفظ بعض الاشياء البسيطة واختباره حلوو ..
الاحصاء : ركزي عليه من اول السنة لان لو ذاكرتيه متأخر مارح تفهمي شي .. شوفي المحاضرات بعدين انتي طبقي مسائل وارجعي للكتاب اللي طلبه اتوقع انه مهم .. انا شخصيا ما شريت الكتاب لكن قرأت الأسئلة حقته اللي نزلوها بعض الاخوة .. ونصيحة مني كوني على استعداد لاختبار فيه شيء كبير من الصعوبة مابي احطم معنوياتك لكن كنصيحة تكون معك عشان ما تنصدمي
وبالنسبة لاختباره كان يبغى وقت طويل عشان تحلين الجداول ف انتي حاولي تطبقين كثير على الجداول بتصيرين سريعة بحلها وبتعدي الاختبار ان شاء الله ..
الحاسب : انا ماخدته الاخوة يقدرو يفيدونك :)
بالتوفيق يارب لنا ولك ولجميع الاخوة والاخوات