|
رد: افضل الدكاترة والمعيدات في كلية الدراسات التطبيقية !!!!!!
انا تنقلت بين شعبتين ما شاء الله علي بس في بعض الي انذكروا درسوني والبعض لا مثل
منيرة الشبانة مهارات حاسب : انسانة مكس عندها ضحك وشرح بس لا تمصخونها وتكملون سوالف لأن الوقت اصلا قصير فبيكون من وقتكم واسئلتها دقيقة جدا بس تخطط وما تطلع برا تخطيطها يزعجها ان الاشياء الي تسويها ما تقدر مثل لما تجيبين درجة مو زينة بالامتحان وتحاججينها فإذا كنتي اصلا تبين الجواب مو قصدج تحاججين يفضل تروحين لها بالساعات المكتبية طوالي نصحية
نورة السعيد مهارات تعلم : شرحها يعيشج جو والمادة حلوة تعطي فرصة للبنات انهم يشرحون بعض النقاط اسئلتها منوعة لكن دقيقة وتلخبط شوي فركزوا ولا تستعجلون حتى لو المادة مو بذيك الصعوبة
الصحة واللياقة فاطمة شحاته عندي تعليق اضافي غير الي انذكر عنها بونسااتها صراحة بالهبل فشدوا حيلكم بيكون فيه فصل محذوف بالنهاية وتسونه عملي واخترعوا اشياء من مخكم تخص الصحة لأنها تحب المجتهد بالاشياء ذي واجد
وانصاف النصار انجليزي : الي يذكر لها بالخير صراحة الاستراتيجيات الي بتعطيكم اياها لو درستكم اتمنى انكم تستفيدون منها لأنها افادتنا واجد
عزة انجليزي : تشرح شرح وافي زيادة عن الي بالمنهج وتعطي ملازم كواجبات وتمارين بالنسبة لأسئلتها ما جربتها فما اقدر افيدكم من ذي الناحية لكنها كانت تسوي كويزات والاسئلة الي تجيبها حلوة وبسيطة
رشا بوسكيتة انجليزي (بزنس) : انسانة فلة وبإذن الله مانتوا بناسين شرحها للكلمات لأنها تشرح الكلمة وتجيب مثل للتقريب او سالفة انتبهوا السوالف لو جيتوا تردون بالانجليزي 
وبس احب اختم واقول لا تستهينون بالمواد وبالسنة التحضيرية واجد حتى لو كنتوا مضغوطين نفسيا من الثانوي على الاجتهاد وعموما اصلا للأمانة بتلقون وقت للراحة والمذاكرة لكن الله الله بالمذاكرة اول بأول لا تغلطون غلطتي لأن المعدل الزين من التحضيري يفيد وبالتوفيق لكم كلكم 
|