صراحة كنت خايف من درجات تنزيل المحاضرات
لأني دبلت تسبد البلاكبورد وأنا أنزل المحاضرات وأنسى وش نزلت
وأعيد التنزيل من جديد. ولآخر يوم كنت شاك أن في محاضرات ما نزلتها!
لكن الحمد لله الأعمال الفصلية انحسبت كلها.
أول ما شفت النتيجة الحمد لله ارتحت، وحسيت بنكهة النجاح بعد تعب؛ تعرفون حركات السينما هذي اللي تجي مع خلفية موسيقية بطوليَّة! أبد هذا أبو الحارث بتلك اللحظة
ماكان ناقصني إلا ياقف الزير على شمالي "يدح" وعنترة على يميني يغني "هيب هوب" وأنا بالوسط واقف وقفة سوبر مان. CUT!
ما حسيت أني أخذت أقل من ما أستحق، ولا أكثر منه؛ حسيت أني أخذت حقي بالضبط. اللهم الصحة شوي! كنت متوقعها أعلى حبتين!
بشرت الأهل، وفرحولي وباركولي؛ وأرسلت النتيجة لقروب العايلة، مباشرة! تم تغيير عنوان القروب "ألف مبروك أبو الحارث".
طبعاً أهدولي صورة الكيكة اللي بالواتسب <-- كيك باسكن روبنز ماهو زين بالشتا!
أهدي النجاح، لأسرتي فرداً فرداً اللي صدقاً ما قصروا معي جميعهم؛ ولرئيس قسمي والمدير المساعد اللي وقفولي وقفة بفترة الاختبارات ما أنساها لهم.
أبد، والحمد لله؛ الحين أحس انشحنت بطاريتنا؛ وصارت عندنا طاقة "معنوية" للدخول في غمار المستوى الجديد؛ الله يوفقنا ويسخر لنا ويهون علينا ويثبتنا؛ الدراسة همّ لابد من الصبر عليه؛ ومثل ما يقول صدام حسين: يا محلا النصر بعون الله. <-- اشطح!
وأشكركم على إتاحة هذي الفرصة...