|
رد: ياصاحبي وينك لفت ضيقة البال
ياصاحبي وينك لفت ضيقة البال
ياصاحبي صكت على صدري جبال
اشيلها والصبر مر مذاقه
تعال شوف الوقت وشلون ميّال
ماعاد لي في دفع الاحزان طاقة
اتعب واغنيها على كل موال
واشوف بحر الخوف يلمع زراقه
واقول بكرا يمكن تزين الاحوال
لكن هذا الحظ مكسور ساقه
افك قلبي واشتكي لك عن الحال
والقاك اعز من الاخو والرفاقه
انثر همومي بين جيّه وترحال
وانته تجمعني بذوق واناقه
دايم اشوفك صادق بكل الافعال
نعم الصديق ونعم صدق العلاقه
ياصاحبي افديك بالروح والمال
واهديك من بستان الاعماق باقه
يقصر زمن ولايكون الزمن طال
انا خويك لو يجود وثاقه
الصحبه اللي مالها قدر واجلال
تسقط ويسقط اسمها بالبطاقه
انتقاء مميز وذائقه شعريه مميزه
صح لسانك ولسان الشاعر
بصراحه قصيده رائعه جداً ومشكوره على النقل
|