ملتقى طلاب وطالبات جامعة الملك فيصل,جامعة الدمام - عرض مشاركة واحدة

مها الهزاع · 2014- 1- 23

اقتباس:

المشاركة الأصلية كتبت بواسطة الجــــ@ـارح

اخوي رح اختصر كل الكلام الي يقال عن الجامعة بخصوص الرسوب

اخوي صدقني الطالب المجتهد يجيب الدرجة كامله وهو مرتاح

مافيه صعوبه ابدا في المواد الصعوبه فقط في عدم الاجتهاد والمذاكرة

وانا الان انهيت 3 مستويات في الجامعة وجميع المواد الي ذاكرتها واجتهدت فيها جبت فيها درجة

طيبه ومن ضمن المواد الصعبه مادة الاحصاء

لكن مشكلتنا لا نهتم ولا نجتهد الا قبل الاختبار بيوم او يومين

ونجد اننا لا نستطيع حل بعض الاسئلة لاننا مقصرون في المذاكره

وبعد ظهور النتائج نضع اللوم على الجامعة,,

نصيحة اخ من اراد الدرجة والمعدل العالي عليه بالمذاكرة والاجتهاد

اما من اراد النجاح وبدون اجتهاد فاقول له وفر على نفسك , ولا تكمل تعليمك

فعلاً هذهِ الحقيقه

اما ماتذاكرون وتجون تتذمرون مايصير

اعرف ناس نفس هالفئه مايذاكرون وجابوا علامات نازله وقعدوا يتحلطمون عالجامعه
و مأذيني يالمجنونه تعبتي و كليتي الكتب ذاكري الاسئله تكفي لكن لقيت تعبي الحمدلله بالتفوق
وما احتجت آتذمر واتحلطم على احد لأني أديت واجبي على اكمل وجه ولقيت ما استحقه على اكمل وجه

لاتقولون عشانك دافوره او شيء لا ابد واقرب مثال
مستوى اول الانجليزي ذاكرته يوم الاختبار و مشي حالك وجبت فيه مقبول
اما انجليزي المستوى ثاني كتابه وقراءه كلها ذاكرتها واجتهدت وانا اذاكر والحمدلله جبت فيها ممتاز

الزبده
نتيجتك هي فعل يدك وعلى قد مجهودك اللي بذلته