ملتقى طلاب وطالبات جامعة الملك فيصل,جامعة الدمام - عرض مشاركة واحدة - معاملة المدرسين لطلاب مدارس وادي دواسر مؤلمه...

roqa · 2014- 1- 25

اقتباس:

المشاركة الأصلية كتبت بواسطة أسير نجد

بما انك كنتي عريفة الفصل اكييد في بعض الاياام قدمتي اسماء الطالبات المشاغبات للمعلمه ؟؟

واكييد المعلمه ضربتهم ضربا مبرحا

وعلى شان كذا يااختي روكا ذوقي ماذاقوه هالطالبات المظلوماات

وعلى فكره انا لما كنت طالب كنت ارفض اكوون عريف بالمره لاني مستحيل

احط اسم طالب للمعلم على شان يضربه ولا حتى اقول له لا تتكلم واسكت ومدري ايش ؟

وحتى الان على مستوى الوظيفه رفضت العمل الاشرافي نهائيا ومتسحيل اني اقبل فيه ؟

لاني مستحيل اني اتغير على اخواني وهم عندي مقدمين على أي منصب مهما كانت اهميته لدي

وانا عارف اني لو صرت عريف ولا حتى مشرف قسم راح اتحمل كامل النتائج والمصادمات مع الاداره

لاني امشي بطريقتي الخاصه ومااحب التوجيه من احد بالمره

هلا أخوي ..

بالنادر أشوفك ترد وتكتفي بوضع اللايكات..وان رديت معناها الموضوع لفت انتباهك ..

والله ياخوي كنت أكتب أسماء طالبات صحيح ..واهددهم ..بس قبل ماتجي المعلمة أشق الورقة وبكذا أكون سويت معروف مع البنات ويحترموني اكثر

...

العمل الإشرافي يحتاج إلى شخصية قوية ..بس مو شرط تكون ديكتتورية والذكي اللي يعامل الاشخاص اللي تحت ايده بذكاء ويكسبهم ..

يمكن مسكت الموضوع من جانب واحد إنك ممكن تخسر اللي حواليك وانت تستعمل عليهم أساليب الأمر والنهي ..ونسيت كثير من المزايا الإشرافية بشكل عام..

بعدين مو شرط الشخص العريف او المشرف يكون السبب في عقاب أحدهم ..هل نسيت الجواسيس التي تزرع بكل مكان وتمثل دور البراءة وتدس كالسم في العسل..

صدقني ..إن أحسنت سيحسنوا ..وإن أسأت سيسيئوا ..

بالنهاية شخصياتنا ورغباتنا غير متساوية ..ولا تقيس الموضوع من زاوية واحدة ..