ملتقى طلاب وطالبات جامعة الملك فيصل,جامعة الدمام - عرض مشاركة واحدة

طالب مشاغب · 2014- 1- 25

اقتباس:

المشاركة الأصلية كتبت بواسطة abotoleen

وعليكم السلام ورحمة الله
نصيحتي لك جامعة الامام وبدون تفكير
جامعة فيصل فيها تلاعب بدرجات الطلاب والدكاتره يخبصون ولا يتحاسبون وكل ماتتكلمين قالو رح تظلم بس تسكيت ولا يجيك شي من التظلم والاختبارات طويله وصعبه
الاختبارفي جامعة الامام 25 سؤال فقط وعليها 100 درجه وسهله واحنا 50 وعليها سبعينواختبارات بعضها استهبال ماهو علم
زميل عمل فيها تقييمه4.6 وانا حفرت الملخصات حفر واخرتها 3.5
والله يوفقك ان شاء الله ولو هي من اول كان دخلت الامام

اختي صاحبة الموضوع :
اللي اعرفه انه اذا ما سددتي الرسوم ،، فيعني انك ما سجلتي الترم
وبالتالي اصلاً مو كأنك مسجلة ولا راسبة
أقترح عليك تراسلين الجامعة عبر دخولك على اسمك بالخدمات الطلابية
وتشوفين جوابهم ... وقبل لا تفكرين بالانسحاب او أي جامعة اخرى
انصحك بالاستشارة من اللي درس وجرب الجامعة ثم الاستخارة ...

أما الاقتباس فلدي وجهة نظر مخالفة
وش هالجامعة اللي ما عندها الا 25 سؤال وعليها 100 سؤال
يعني كل سؤال عليه 4 درجات .. يعني اذا الاجابة خاطئة في 11 سؤال فيعني ان الطالب راسب ..!!!

وما قلت لي طريقة الاجابة هل هي خيارات متعددة ام مقالية ...
بينما جامعة فيصل 30 درجة مضمونة + 50 سؤال متعدد الاختيارات
(كثرة الاسئلة من صالح الطلاب)

يعني لو تجاوب على 22 سؤال فقط .... فالطالب ناجح ...هذا للطالب المتسدح ...

اما اللي يشد حيله شويتين بيجيب معدل 4 بالراحة ...

واما المقارنة مع زميلك .. فلا تضعه مقياس وتحط اللوم على الجامعة ،،،
لان اذا معدلك 3،5 ومو راضي عنه ..
فهي اما نتيجة قلة اهتمامك بالمذاكرة او المستوى الفكري غير قوي ،،،
فلا تضع الجامعة شماعة لتدني درجاتك .. وما فات شيء عليك لانه تقدر تروح لجامعة الامام الحين واعتبر المستوى الاول اللي درسته مجرد عثرة بسيطة ... انا قدامك موظف ببنك وضغط عمل وما اخذت اجازة والمذاكرة لك عليها ومعدلي 4،1 ولله الحمد .
وتقبل اعتذاري اذا رأيت في مشاركتي أي خلل ،، وتقبل فائق احترامي