ملتقى طلاب وطالبات جامعة الملك فيصل,جامعة الدمام - عرض مشاركة واحدة

طالب مشاغب · 2014- 1- 25

اقتباس:

المشاركة الأصلية كتبت بواسطة abotoleen

أما الاقتباس فلدي وجهة نظر مخالفة
وش هالجامعة اللي ما عندها الا 25 سؤال وعليها 100 سؤال
يعني كل سؤال عليه 4 درجات .. يعني اذا الاجابة خاطئة في 11 سؤال فيعني ان الطالب راسب ..!!!

وما قلت لي طريقة الاجابة هل هي خيارات متعددة ام مقالية ...
بينما جامعة فيصل 30 درجة مضمونة + 50 سؤال متعدد الاختيارات
(كثرة الاسئلة من صالح الطلاب)

يعني لو تجاوب على 22 سؤال فقط .... فالطالب ناجح ...هذا للطالب المتسدح ...

اما اللي يشد حيله شويتين بيجيب معدل 4 بالراحة ...

واما المقارنة مع زميلك .. فلا تضعه مقياس وتحط اللوم على الجامعة ،،،
لان اذا معدلك 3،5 ومو راضي عنه ..
فهي اما نتيجة قلة اهتمامك بالمذاكرة او المستوى الفكري غير قوي ،،،
فلا تضع الجامعة شماعة لتدني درجاتك .. وما فات شيء عليك لانه تقدر تروح لجامعة الامام الحين واعتبر المستوى الاول اللي درسته مجرد عثرة بسيطة ... انا قدامك موظف ببنك وضغط عمل وما اخذت اجازة والمذاكرة لك عليها ومعدلي 4،1 ولله الحمد .
وتقبل اعتذاري اذا رأيت في مشاركتي أي خلل ،، وتقبل فائق احترامي

بالنسبه للاسئله اللبيب بالاشاره يفهم بأجيبلك مقارنه بين مقالي وخيارات متعدده واقارن ؟؟؟
كلهم خيارات متعدده
وبالنسبه للاعمال الفصليه ماتشتوف المواضيع اللي في المنتدى قاعدين يكتبونها عن الظلم في رصد الدرجات
انا عدت المشاركه اكثر من ثلاث مرات بتنزيل المحاضرات المسجله والمباشره وحليت كل الواجبات وعلى كذا ناقصه كثير
وثانيا المعدل على حسب التخصص ياطويل العمر الرياضيات ماخذ في الاختبار 63 يعني على كلامك مفروض A
بس نقصوا درجات المشاركه عشر درجات واخذت B وعلى هذا الاختبار نفسه فيه ثلاث اسئله غلط ولا حسبو درجاتها
واذا انت موظف انا موظف وعندي عيال ومسؤليات وعلى كذه اخذت اجازه شهر قبل الاختبارات وذاكرت وعلى كذه يجي اختبار تعجيزي مثل القانون وهي ماده تافه مايحتاج لها شي وأغلب الرسوب فيها وتنزل المعدل وتقولي مستوى فكري
واذا تعتبر التغيير سهل ومجرد عثره بسيطه مو كل الناس يقدر يضحي بمجهود ووقت اكثر من اربع اشهر والدراهم اللي اندفعت ويقول والله عثره بسيطه

جامعة الاامام صاحبي نفس التخصص ويوم يقرا اختبارتنا يقول هاذي للمنتظمين ماهي للمنتسبين لصعوبة بعض المقررات
والله يوفقك ويرفع معدلك اكثر واكثر لاكن الجامعه فيها تخبيص حتى انهم كتبوا عنا في سبق ولو تبغى تبحث روح المستويات السابع والخامس واقرا ياسيدي
وتقبل احترامي

[/QUOTE]

اسال الله ان يخلي لك ذريتك ويصلحهم
ويبارك لك في وقتك ومالك وشغلك ودراستك وأهلك

يالغالي ،،، بالنسبة لرصد درجات المشاركة ،، نعم فيه مشكلة وتخبيص ،،
واللي يجبر الخاطر ان الجامعة اعترفت بذلك وصححت الاخطاء ،،،
مو افضل من التطنيش .. جامعات وانتظام وتلاقي الدكتور يرسب جميع الطلبة وما فيه احد يحاكمه ..!!!

وأيقونة التظلم ومراسلة الجامعة مفتوحة .. بزعجهم يوميا عليه وحقك لا تتنازل عنه ...

بالنسبة لصعوبة الاختبارات ... بصراحة مطلقة .. وبرأيي الشخصي
الاختبارات تافهة لدرجة مضحكة ..ونسخ لصق من الاختبارات الماضية

انا قبل الاختبار بيوم افتح المذكرة واطالعها .. ثم اذاكر اختبارات السنوات الماضية ..
ثم ادخل هالمنتدى واجاوب على الكويزات ... ولاحظ لما تنتهي من اجابة الكويز بتشوف قائمة بالاعضاء
اللي جاوبوا على الكويز ،،، وماشاء الله جايبين علامات كاملة .

قهررر لما اشوف طلاب حاملين المواد ..

وأفسر هالشيء الى العامل النفسي .. لان الطالب عنده رهبة من الجامعة

ولما يسمع او يقرأ أي تعليق سلبي .. قال خلاص انا راسب ..!!!

وهونها وتهون ،، اذا مو راضي عن معدل او دفعت فلوس على ترم ،،، ترى مشاكل غيرك اكبر بكثير من مشكلتك
محاتسيك مثلا .. انسحب من كلية انتظام ثم انسحب من جامعة عبدالعزيز ثم وثم ..
اللي بوصل له ان جامعة فيصل نظامها مميز والابتعاد عن التوتر والتشويش والسلبية
والمذاكرة اولا بأول .. بتجيب معدل وانت مرتااااح

وتمنياتي لك وللجميع بالتوفيق