حلوو اختي ريم ربي يوفقك وتتخرجي بمعدل اعلى بإذن الله
ومن وجهة نظري وقد تكون خاطئه انا اشوف انه صعبه شوي لكن مافيه شي مستحيل ان شاء الله
انا الحين نفس تفكيرك اطمح اتخرج بمعدل جيدجدا أقل شي واجتهدت الثلاث مستويات اللي راحت اللي هي
مستوى 6 و7 و8 كل المستويات ذي معدلي الفصلي مايقل عن 4 وعليها لكن مازال معدلي التراكمي يتراوح
مابين 3.55 إلى 3.60 والمعدلين ذي تعتبر جيد لأنه معدل الجيد جداً يبدأ من 3.75
وسبب هالشي اني ماوصلت لمعدل جيدجداً هو المستوى الخامس تهاونت فيه شوي وماكنت اركز بالمعدل
كثير وجبت في المستوى الخامس معدل فصلي 2.50 تقريباً واصبح معدلي 3.12 تقريباً وبعدها بديت احس
بهالشي وقريت من احد الاخوان انه المستويات الاخيره المعدل مايرتفع الا حاجه بسيطه فقط بعدها بديت
اشد على نفسي اكثر في المستويات الثلاث الاخيره وكلها جبت فيها معدل فصلي فوق 4 لكن المعدل
التراكمي بدأ يرتفع حاجه بسيطه الى ان وصلت الحين معدل 3.55 المستوى السابع باقي معدل المستوى
الثامن لحد الان مانزل بسجلي الاكاديمي بس متوقع انه يكون معدلي التراكمي بشكل تقريبي 3.63 وباقي
لي 5 مواد باخذها المستووى التاسع واتخرج ان شاء الله وبإذن الله مع المواد الخمس اوصل للمعدل اللي
ابغاه .. وانتي اختي ريم باقي لك 7 مواد المستوى هذا وعندك ماده 3 ساعات وهذا شيء حلوو جداً ويساعد
في رفع معدلك بإذن الله إلى جيدجداً بشرط انك تحضرين موادك من الآن وتحطين عندك طموح التفوق انسي
فكرة النجاح وخلي فكرة التفوق هي اللي قدامك وهذا الشيء هو اللي بيساعدك توصلين للمعدل اللي تبينه
بإذن الله .
وانا انصح الكثير من هذا الموضوع من واقع تجربه مريت فيها لاحد يخلي تفكيره بس شلون ينجح او كيف يعدي
الماده وبس لأن هالتفكير بخلينا نرضى بعلامة c وعلامة d بعض الاحيان وهذا غلط دائماً خلوا تفكيركم التفوق
لأن هالشي يساعدنا على تحضير الماده من بدري ويزيد من حماسنا وعزيمتنا.
اسف على الاطاله واتمنى للجميع التوفيق والتخرج بأعلى المعدلات بإذن الله