ملتقى طلاب وطالبات جامعة الملك فيصل,جامعة الدمام - عرض مشاركة واحدة

أم عمر! · 2014- 1- 27

اقتباس:

المشاركة الأصلية كتبت بواسطة سكر:)

بنات الدراسات عندكم دكتور اسمه عادل حسين شرايكم فيه ؟؟

وبدريه الحسين شرايكم فيها

(من وجهة نظر شخصية فقط) :

عادل حسن إن كان تقصدين درسني علوم حديث
بصراحة مع احترامي الشديد له أبداً ما يساعد بالدرجات
ودقيق في تصحيحه ومو أي إجابة يقبلها !

توقعت في الإختبار الشهري تكون درجتي حلوة عنده
فتفاجئت إني ماخذة 17 من 30 !!!!!

مع إن الأسئلة مو بذيك الصعوبة
لكن ولله الحمد أكرمني الله
بالنجاح عنده في النهاية بـ D .

يعني لو فيه غيره أنصحك تبعدين عنه علاوةً على إنه
فقط يقرا في المحاضرة ما يفهم زين .

أما بدرية الحسين :
درستني أصول الفقه وفقه الأسرة وفقه الجنايات
صراحة ممتازة في شرحها وتفهمك وتعطيك حقك
في الدرجات, لكن عندها أيضاً نظام إن أحد
اختباراتها يكون صعب وشوي دقيقة في اسئلتها وتصحيحها
وأيضاً اسئلتها قليلة نوعاً ما .

لكن لو ذاكرتِ بتركيز وحرصتِ على كتابة الزيادات معها
وشرحها بإذن الله ما يضيع حقك !

عندها واجبات على شكل بحوث مصغَّرة
وأيضاً تعطي 3 درجات على الحضور .

بشكل عام الدكتورة كويسة عند الطالبة المجتهدة
واللي تحرص على انتظامها ودقتها معها !

هذا واسأل الله لك التوفيق