ملتقى طلاب وطالبات جامعة الملك فيصل,جامعة الدمام - عرض مشاركة واحدة

نظارة99 · 2014- 1- 27

اقتباس:

المشاركة الأصلية كتبت بواسطة نغم الانجلش

وين مكتب العماده

يقولون عند الاستاذة تهاني مقيطب

زميلتي العزيزه، أنا استلمت شهادتي قبل أسبوعين تقريبا، لكني ذهبت شخصيا. تهاني المقيطب مو موجوده أصلا في الجامعة و لا يوجد أي داعي للذهاب لمكتبها...أنا أقول لك هالكلام لأني رحت شخصيا و مكتبها كان مقفل، رحت للمكتب اللي جنبها و قالوا لي بالحرف الواحد "مافي داعي تجون هنا"...

هذا اللي المفروض تسوينه:

1- أول ما توصلون الجامعه تسألون رجل الأمن عن عمادة التعليم عن بعد مبنى 35 و بيدلكم على المكان.
2- يدخل ولي إمرك عندهم و يجيب لك شهادة الثانويه العامه و ورقه إخلاء طرف توقعينها في السيارة و تعبين فيها :اسمك - رقمك الجامعي - الجنسيه - الكلية - التخصص.
3- ولي أمرك الله يعطيه الصحه يدخل مرة ثانيه عندهم نفس المبنى و يكمل الإجراءات الإداريه (مثلا، يروح الشئون الماليه يوقعون على الورقه إن ماباقي عليك مبالغ) .
آخر من بيوقع على الورقه هو العميد الفريدان. أنا لما رحت ماكان موجود ووقعها عنه مدير مكتبه أ/ أحمد الشعيبي.
4- بعدها يجي دورك في القسم النسائي و تروحين مبنى 22 - عمادة القبول و التسجيل و تسألين عن مكتب الخريجين و تسلمينها ورقه إخلاء الطرف و تستلمين شهادتك مع السجل الإكاديمي من عندهم .

الله يسهل أمرك...