المشاركة الأصلية كتبت بواسطة لذا

طريقة رفع المعدل سهله

اولاً: تسجل عدد ساعات من بداية الترم مثلاً ((12 او 14 او 18)) ساعه تضمن انك تجيب فيها a+ <<وفق قدراتك

اذا تقول صعبه اجيب a+ لا تسجل اكثر من 12 ساعه
لو تدرس 12 ساعه حتى لو انت مو من الدوافير بالفطره لكن بتجيب معدل اعلى من انك تدرس مثلاً 18 ساعه, وهذا يعتمد على مجهودك


ثانياً: لازم تدرس من بداية الترم لا تقول قبل شهر من الاختبارات ببداء المذاكره هذا الكلام ماينفع اذا تبي معدل عالي

ثالثاً: قبل الاختبارات بشهر تقريبا تقدر تحذف مقررات اذا كان وقتك مايسمح بانك تدرس مقرراتك كامله احذف احد المقررات اللي تحس انك ماتقدر تستعد لها

وللتذكير اقل ساعات تسجلها هو 12 ساعه وتقدر تحذف منها 3 ساعات وتكون 9 ساعات << تقدر تستغل الحذف بحالة الازمات
وكذالك تقدر تستفيد من الحذف لو كنت مسجل عدد ساعات فوق طاقتك مثل 18 ساعه وتحس انك تورطت نهاية الترم وما عندك وقت تذاكرها وتجيب فيها معدل عالي

خامسا: اسالة اختبر نفسك اللي بالمنتدى هنا... الحقيقه من افضل الوسائل اللي بفضلها رفعت معدلي. طبعا تتمرن عليها بعد ما تدرس كامل المقرر.
اذا حصلت الاسئله مقسمه لكل محاضره ادرس محاضرتين او ثلاث واختبر نفسك فيها << علشان تكتشف نقاط الضعف عندك.