بغض النظر عن صحة ماقالة الأخ أو عدمة إلا إني أشوف فيه كثير من الصحة
قبل سنين وقبل ماتفتح الجامعه الانتساب المطور كان يوجد الانتساب التقليدي وفيه من تخرج سواء من جامعة الملك فيصل أو غيرها وصاروا مدرسات بشهادة الانتساب القديم هذا الكلام للي مفكر بقطاع التعليم مثلي
وأنا شخصياً قبل اسجل في التعليم المطور للانتساب قلت خليني أجرب اسجل وأدرس سنه
ووقتها كان فيه تحويل للانتظام للي تنجح سمسترين بمعدل 3 ونصف
سجلت وعطوني أوراق بقائمة الكتب اللي اشتريها المهم كلها مواد تخصص مافيه مواد عامه 10 مواد لسمستر واحد غير ان مو كل المراجع متوفره بالأحساء يعني بحتاج أجيب بعضها من الدمام والرياض
تكلمت أنا شخصياً مع مسؤلة القسم عن الانتساب بشكل عام بقسم الانقلش بشكل خاص
وأخذت رايها قالت لي الانتساب في قسم الانجليزي صعب جداً وان كان مستواك ممتاز غير كذا شهادة الانتساب ضعيفه وماراح تؤهلك تكوني مُعلمة ومن فتحنا الانتساب ولا طالبه نجحت في قسم الانجليزي والناجحين في الأقسام كلها ينعدون على الأصابع وفي خلال الفترة القادمة بنقفل الانتساب في قسم الانجليزي وبعدها كافة الأقسام
المهم سحبت أوراقي
ولما فتحت الجامعة التعليم المطور للانتساب شكيت في قوة الشهادة فماسجلت من أول سنه سجلت بالسنه الثانيه قبلها كنت مفكرة آخذ بكالريوس في جامعة أهليه بس قالوا لي انها مو معترفه وفكرت آخذ دبلوم لغه انجليزية بس كل المعاهد ماعاد عندهم دبلوم
أضطريت أسجل هنا لأن رغبتي الأساسية انتظام طبعاً عشان نظام الجامعه مُعقد ماحولوني بعد سمسترين رغم ان معدلي للفصلين أكثر من 4 وهم مشترطين 3 ونصف للتحويل
هذا كله مو مُهم يفترض من جامعتنا الحبيبه السعي لإعتماد الانتساب المطور لأن من الظلم الكبير أن تكون شهادتنا انتساب وتُعامل بمعاملة الانتساب العادي ونُعيب على المسؤلين عدم تفريقهم بين نظام دراستنا ونظام الانتساب القديم وإن لم يُكتب مُطور تاريخ الشهادة هو الفيصل
هددفي الدراسة أولاً وأكيد نفسي بوظيفه تليق بمقامي مو معقولة اشتغل أي شغلة وأنا بكالريوس لغة انجليزية
أفضل أكون مُدرسة في القطاع الخاص وماانسى الي تعلمته على اني أكون إدارية بوظيفة حكومية
وعيب كبير على الجامعة إنها ماتقبل الانتساب في الدراسات العُليا بحجة قلة المقاعد لية ماتزيدون عدد المقاعد
ولا أحنا دفعة بلا
إذا كان مو من حقنا تكون شهادتنا انتظام فأكبر ظلم لنا تكون شهادتنا انتساب
طيب إذا مافيه شي اسمه انتساب مطور والتعليم عن بعد ليه الجامعه تفتحه قبل مايكون مُعتمد من الجهات الرسمية