|
رد: هذا الذي تدعونه عشقاا
الحب لو يشرب وضعناه فـي كـاس
من شان نسقي حبنـا اللـي نريـده
والحب لو يكتـب ويرسـم بقرطـاس
رسمت حبـي فـوق لوحـه فريـده
الحب مايوصـف ويحكـى وينقـاس
الحـب معنـى للحـيـاه السعـيـده
الحـب قايـد للمشاعـر والأحسـاس
ماهـو خرابيط(ن)بصفحـة جـريـده
الحب لاثبّـت علـى جيـد السـاس
وحكـم بشـرع الله عـاش بوريـده
وفي وقتنـا جانـا مراهـق وهـلاس
يقطف زهور الحـب تحـت المكيـده
يقـول أحبـك حـب يابنيّـة النـاس
وهي تضحـك هايمـه فـي نشيـده
حتـى يغطـي حبهـا هامـة الـراس
ويبـدا ينفـذ خطـة(ن) لـه سديـده
ويقود بنت الناس لـدروب الأدنـاس
وليّـا قضـى منهـا تركهـا وحيـده
قالت تعال الحـب وشلـون ينـداس
وشلون تتركنـي وأنـا لـك مريـده
وييييييييين الزواج اللي تردد بالأنفاس
ويـن الوعـود الحالمـه والعـديـده
قال أبعدي ماودي أجرح لك إحسـاس
مارضـى بزوجـه خاينـه يالبعيـده
وعاشت بهم وغم ووجـاع وونـاس
وهـو راح يصيـد وحـده جـديـده
الحمدلله على نعمة الأسلام والله يكفينا ويكفيكم شر هذي الأشكال وموضوع مميز وأشكرك على التنبيه .
|