المشاركة الأصلية كتبت بواسطة فضيل

والله انا من كثر ما اروح الاحساء عصبت وقلت اجرب واسأل الدكاترة مادام مشاويري الى الاحساء دايماً بلا فائدة

فجربت ورحت وقابلت د. حليمة و سلمت عليه وقلت له ترا علاماتي عندك ماهي زينة، قالي احسن لك تاخذ التوصية من دكتور علاماتك عنده زينة. وتكلمنا شوي عن الدراسة وقلت انا ناوي اكمل ماستر ويمكن في لندن قالي لاتروح المدينة، روح الجنوب لأن زحمة لندن تتعبك وماتذاكر كويس! المهم مر من جنبنا د. الهلال وقالي الدكتور حليمة الحقه ولحقته وكلمته قال خلاص بس جيب السجل وقلت له المشكله الجامعة الى الان ما عطوني الوثيقة ومشيت.

وبعد اسبوعين رجعت (الاثنين) وانتبهو لهذا اليوم مهم وخصوصا الساعة 11 يجتمعون الدكاتره كلهم

المهم حصلتهم بعد احدعش متجمعين في احد المكاتب وانتظرتهم بأدب الى ان كلمت د الهلال بانفراد وقال يالله مشينا المكتب و شاف السجل وقال ماعندي الا ورق عربي وماراح ينفعك في لندن وجلس يكتب الورقة وبعد مده عطاني وسألته انت مصري لأن صوته يشبه المصاريه وقال لا ومشيت وشفت الدكتور اللي صوته نحيف وسلم ومشيت وصادفت الدكتور سيد وسلمت عليه وقلت انت درستنا البراغماتيك وعلاماتي عندك مو كويس وفرح وجلس ينصحني وقلت الطلاب مبسوطين من البحث وفرح وقالي ترا سهلنا مقرر البراقماتيك.

المهم وارجع مكتب الدكتور الشناوي ،، وصراحة والنعم واسرع دكتور بإعطاء التوصيات و قلت له تر واحد قالي تاخذ التوصية منك وانت ماشي وضحك كثير هههه المهم عطاني التوصية بالانجليزي جزاه الله خير هو و د الهلال!

المهم واخيرا قابلت دكتور الادب الامريكي وصافحته وقلت ترى انا بس اسلم وقالي تبي شي (قصده توصية) قلت خلاص انتهيت من التوصيات ، وقلت انا درست عندك الادب الامريكي وانا الحين اسلم فقط ومشيت.