قررت اكتب اي شي ....؟
بخاطري يمكن يخف هالالم اللي بداخلي
يمكن ارتاح ويمكن شي بداخلي يتغير بس اللي اعرفه اني اول مره اكتب بمدونه
بجرب يمكن يعجبني الوضع ويمكن لا
هاليوم يوم حزين بنسبه لي
كنت اضحك وابين اني ماني متأثر لدرجه معينه واحاول ماابين نقطة ضعفي الووحيده
اللي هي الدموع وبالاخص دموع الناس اللي احبهم
شفت دموع اختي وهي تساافر وضحكت ضحكه عاديه بارده ضحكة ألم تخبي بداخلها مليون أهات
يوم شفت عيونها تلمع من بعييد وودعتها الله اللذي لاتضيع ودائعه ,,,
وبعدها بوقت ..
شفت دموع انسانه اعزها اكثر من اخت اكثر من اي شي
تحكي وتبكي وتشتكي من هالوقت كيف خانها
دموعهاا احرقتني دموعها حيييل حاره
تشتكي من هالزمن كيف قاسي كيف يتعبها كيف يقسى عليها وهي صغيره كيف ياخذ منها اغلى صديقه
كيف يتجمع كل الالم والمصيبه والظروف القاسيه والحظ الردي كيف كلها تجي دفعه وحده تسألني كيف اتحمل ??
تسألني انا كيف هي تتحمل ؟؟
وربي انا اللي ماعاد اتحمل اشوفها حزينه تبكي وتشكي وماباليد حيله
كنت اقولهاا
وكلي هدوء وكلي ايمان برب العالمين
ولما ضاقت وأشتدت وأحكمت حلقاتها فرجت بعد ان ضننتها انها لن تفرج
صبراا ياحنان فماضاقت إلا لتفرج
سكتت وهي تناظرني وعيونها غرقانه دمووع
كان ودي اقولها لاعاد تبكيين ,, لاعاد تبكيين ,,اتعب حييييل لاشفت دموعك
بس ماقلت ؟ ادري انها لا بكت ترتاح