ابشري بعزك اختي
بالنسبه للصيفي :
العام الماضي كان تجربه وماقالوا انهم بيعتمدونه وصرح الفريدان انه للان ماصار شي بخصوص السنه هذي
يعني احتمال يكون فيه صيفي واحتمال لا ..وان شاء الله يصير فيه صيفي لانه نفعني كثير
بالنسبه للتأجيل والتقديم مانصحك تبنين خططك على الصيفي لان مثل ماقلت محتمل ايه ومحتمل لا
انصحك تمشين على خطتك ان صار صيفي وحصلتي مواد تنفعك خوذي صيفي
بالنسبه للسؤال عن التقديم قبلها بفتره بيعلنون ويفتحون التسجيل
وعدد الساعات كان العام الماضي 6 لكن كان ضغط لان المقاعد محدوده وبالكاد خطفت مادتين فقط
سألتي هل هو خاص لناس وناس نعم
العام الماضي فتحوا الالويه للمستوى الثامن والسابع
ونظموها مثل تنظيمهم للمقررات الان ..اليوم الاول فتحوه للدفعات الثامن والسابع حتى ياخذون مايناسبهم قبل تنفذ المقاعد يعني قالوا خذوا راحتكم مافيه الا انتم
وبعده فتحوه للدفعه اللي بعدها
المهم ماوصلنا الدور الا كل شي انتهى بالكاد نلقط ورى اي واحد يكون عنده ظرف ويطلع ندخل محله لان المقاعد محدوده بجامعة فيصل بالاحساء فقط
النصيحه:
بالامانه اذا كل شي تمام وتقدرين توصلين الاحساء اذا مافتحوه بالمناطق انصحك وانصحك بقوووه
كلها ثلاث ايام او يومين على حسب موادك واحتمال تكون متفرقه غيركذا الدكاتره راعوا وضعنا برمضان وكانت الاسئله ميسره
الاهم من هذا كله شلت ماده من مستوى رابع ومستوى خامس ماعاد عندي حذف مواد ان شاء الله
يعني ريحني من الحذف وماشي تمام الان مستوى خامس اخذت منه مادتين ارتحت منهم
واي سؤال واستفسار تفضلي
وان شاء الله ان ربي عطانا عمر ويسر الامور باخذ صيفي بدون تردد بس امنيتي يفتحوه ثاني
دمتي بحفظ الله ورعايته