طاري الطيب يذكر جيل من بعد جيل
وانته شخصك يساوي عندنا راس مال
وللكحيله من الفرسان فارسأصيل
يعجبك ضرب سيفه في زحام النزال
اترك اللي حياته بين قايل وقيل
واتبع اللي بفعله كل ما قال طال
للدروب البعيده شد م السحم حيل
وسط حر القوايل ما تدّور ظلال
سمحة الوجه مع غارب وعنقٍ طويل
ما ظمت بسفيها م الجوازي خصال
كل ما طال صبري قلت صبرٍ جميل
اصبري يا كتوفٍ ترتكي للثقال
كل جرحٍ وله وقتٍ بطبه كفيل
وكل وقتٍ تخصه دولةٍ مع رجال
ما تحمّل المذله غير نفس الذليل
والنفوس العزيزه تنفرد بالخصال
أتّكل في حياتي عالكريم الوكيل
وكل شيٍ سواه نهايته للزوال
جرّب الوقت قلبي ثم خذ له دليل
بأن الإنسان أفضل ميزته الاعتدال
وكل شيِ برايك فيه تقدر تميل
بس باللي توده ما تحب الجدال
ابيات جميلة وراقت لي ايضا 
صح لسان شاعرتها وتسلم يمينك ي روزي ع الاختيار
الله يعطيگ العافية 