2014- 2- 6
|
|
Banned
|
|
|
|
" ناسٍ لزوم وجودها بين الأفواج ... وناسٍ يساوي بالتواجد عدمها "
الطيب دمعه والردى ضحكة حجاج
ونفسك قبل لا تلوم الأيام لـمهـا
لو المراجـل طــالها كل هــراج
رخصت فعايلها وقلت شيمها
الجهل غـدراء ليل والحكمة سراج
والخلق شاره والمنايا سهـــما
والضيق سجن البال والسجة إفراح
وأن ضامتك خطو المقاريد ضمها
لو الرجـال تقـاس بالبشت والتاج
مانفرق شيـوخ العرب من خدمها
ولو كل من تـــارد بهقوتك هداج
ماشفت كبدٍ ناشفه من وهمها
ناسٍ لزوم وجودها بين الأفواج
وناسٍ يساوي بالتواجد عدمها
وقت يهيج ويصطلفق مثل المواج
نبـي الأماني والظنــون تهدمها
من جرب الحاجة عذر كل محتاج
ناسِ عطــاها الله وناسٍ حرمها
ماعاد يمدي والحكي دونه سياج
لكن تهجــاء كلمــتي وأفتــهمــها
أما تجي بحراج وتروح بحراج
وإلا تثمن جيـتـك وتحشمها
آبيات من ذهب
للشاعر // محمد الاحمد السديري
|