ب اذكر اشياء بالمحاضره الثانيه ممكن تبسط لكم المعلومات
وخلوا اللي اقوله بأذهانكم لاتنسون ..
لو طرحت لكم سؤال وارقام لعدد الطلاب الذين حصلوا ع امتياز او عدد المشاهدات كما في المحاضره , الارقام مسروده بشكل عشوائي متكرره وبعضها قد لاتتكرر وطلبت بالسؤال التوزيع التكراري ,
اول حاجه تسوونها حصر هذه الارقام في جدول
هذي الارقام كمثال " 2 , 4 , 3 , 2 , 2 , 4 , "
مثلا الخانه الاولى " عدد المشاهدات " , الخانه الثانيه " التكرار " يرمز له برمز f
عدد المشاهدات تضعون فيه كل الارقام الموجوده وتتجاهلون ارقامها المتكرره مثلا لو تكرر الرقم 2 ثلاث مرات
حطوا 2 وتجاهلوا التكرار ..
يصير ب خانه عدد المشاهدات هذي الارقام
2
4
3
بعد ماتحطون كل الارقام ارجعوا للارقام المتكرر كل رقم شوفوا كم تكرر
2 عدد التكرار 3
4 عدد التكرار 2
3 عدد التكرار 1
مجموع التكرارات يرمز لها بالرمز n = تجمعون التكرارات " 6 "
هذا بالنسبة للتوزيع التكراري اذا كان مداه صغير يعني شي بسيط مثل مثال المحاضره او مثالي
اما اذا كانت البيانات ارقام كبيره وكثيره ف تحتاج لطريقه اخرى " طريقة الفئات "
الله يعينكم اذا الارقام كثيره لازم تبحثون عن اقل قيمه بين الارقام وعن اعلى قيمه ..
بعد تحديد اعلى قيمه واقل قيمه بالبيانات لابد من ايجاد " المدى "
المدى يستخدم لمعرفة عدد االارقام لتكوين فئه وهي راح تكون ذاكره بالسؤال كم فئه لازم تكونونها مثلا 7 فئات ..
قانون المدى = اعلى قيمه - اقل قيمه ..
بمثال المحاضره اعلى قيمه كان الرقم 97 واقل قيمه 42
= 97 - 42 = 55
نقسم 55 على عدد الفئات اللي هي حددتها " 7 فئات "
55 ÷7 = 7.8 ومع تقريب الرقم الى رقم صحيح يصير 8 ..
تبدأون بتكوين الفئات ابتداء من اقل قيمه اللي هي 42 وتحسبون 8 ارقام ابتداء بالرقم 42 حتى تصلون الى الرقم الثامن " 49 ..
وتكتب الفئه كذا : 42 - 49
الفئه الثانيه
50- 57
الثالثه
58 - 65
وهكذا الى ان تصل الفئه الاخير 90 -97
الحدود الفعليه سهله بس تنقصون من الرقم اللي ع اليمين نص وتزيدونه ع الرقم اللي باليسار
42- 49
الحد الفعلي لهذي الفئه = 41.5 - 49.5
49.5 - 57.8
57.8 - 65.5
والخ
بعد ماتسوون الفئات و الحد الفعلي للفئات , تنتقلون لخطوه مهمه وهي ايجاد مركز الفئه
كيف ؟
قانون مركز الفئه = بداية الفئه + نهاية الفئه تقسيم 2
الفئه الاولى " 42- 49 "
التطبيق عليها
42 + 49 =91 ÷2 = 45.5
وهكذا مع كل الفئات ..
استخراج التكرار بالفئات يكون حسب تكرار الاعداد بكل فئه
يعني الفئه الاولى تحسبون من 42 وكل عدد تكرر مره او اكثر حتى توصلون للعدد 49 ..
ماتكرر اي رقم الا 42 ذُكر مره وحده
التكرار النسبي سهل جداً بس تطبيق مباشر
التكرار ÷ مجموع التكرارات
يعني عدد التكرار بالفئه الاولى = 1
ومجموع التكرارات كلها = 80
تقسمونها ع بعض ويطلع الناتج
وتطبقون هالخطوه ع جميع الفئات ..
واذا طلبت منكم التكرار المئوي تضربون ناتج التكرار النسبي في 100
والتكرار المتجمع
مثلا كان التكرار الاول = 1
واللي بعده = 2
فالتكرار المتجمع
التكرار الثاني تجمعونه مع التكرار الاول
والتكرار الثالث تجمعونه مع التكرار الاول + الثاني
والرابع تجمعونه مع الاول والثاني والثالث
بالنهاية يصير الرقم الاخير نفس مجموع التكرارات الاساسي
ان شاء الله فهمتوا علي , وان شاء الله ماكون صعب المعلومه عليكم