وربي لو أغيب سنين وياخذني الزمن منـك
أببقى يابعد عمري علـى ذاك العهد وافي
ترى من جد عزيتك وزود الـود جنني
كتمت الـود في صدري ولابد يظهر الخافي
رسمت أشواقي لك ورده أبيها توصلك مني
وابي منك تعطرها وتسقيها عسل صافي
يموووت بداخلـي إنسان ويحيا إنسان ويغني
يقول أمـوووت في ودك وياليته بعـد كافي
ألا يالهفتي تكفين أبي أحياك أنا كلـي
أعرف إن لهفتي عله عجزت ألقـى لهـا شافي
أبكتب لك قصيدة شوق وأصيغ ألحان وأغني
أببحر في بحور الشوووق وهو يكسر لي مجدافي
أضم في داخلي عبرات وآهات تعذبني
أنقي من همومـي هم وأشيله فوق الأكتافي
وبالآخر أبطلب منك :
اذكرني قبل أرحل وبعد ما أرحل تذكرني
مثل طفل فقد أمـه وهو في حضنها غافـي
تصدق لوأغيب سنين وياخذني الزمن منك
تأكد وقت ما ترجع بتلقى حضنـي الدافي