|
طوينـــــا خيـــام الحُـب
طوينا خيام الحب ياللي تبي المنزال
نوينا الشديد عن المحبة واراضيها
دلال الهوى ما عاد فيها ولا فنجال
تقهويت لي دلة وحالف ما اثنيها
مضى العمر نزوة يكتنفها عبث وهبال
تمر الشهور بدون ما احسب لياليها
رقيت النجوم ابغى اتخلص من الاغلال
تخلصت منها بس بقيت مواريها
وهاللحين جيت تمد لي حفنتين امال
تفضل خذ امالك ودور بواقيها
انا سهل اقول اني احبك وانا محتال
واعلمك وشلون المحبة وامانيها
ولكن ضميري يسكن بداخلي لازال
واخاف المحبة تغرقك في شواطيها
توكل على الله مالك بحبنا منزال
نويت الشديد عن المحبة واراضيها
تقبلـو تحيتـــي
التعديل الأخير تم بواسطة تروبادور ; 2014- 2- 7 الساعة 09:02 PM
|