|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ياقلب لاتشكي همومك على الناس
.....................................ماكل شخص(ن)يعذرك في مصابك
لاتسكب الدمعه على خد حسـاس
.....................................ولا تحرق أوراق الزهر في عتابك
ولا تضيق الصدر المولع بالأنفاس
.......................................ولاتقطع عروق(ن)بكت عند بابك
ياقلب ولله مابقى بعيني أنعـاس
......................................يومك شكيت الحب محد(ن)درابك
النار ماتحرق سوى رجل من داس
.........................................وللي كواه الحب يفهـم خطابـك
قبلك شرب مجنون ليلى من الكاس
......................................واليوم نفس الكاس تسقى شرابك
ياقلب أعرف معدنك معدن الماس
.....................................توفي لحبيب الروح لوهو رمابـك
ياقلب خلك بالشدايد قـوى بـاس
........................................لا تلتفت للجرح لو هـو سطابـك
ياقلب لا تسقي عروقك من الياس
......................................وخل الآمل والصدق دايم زهابـك
مادام طاحت فاسك اليوم بالـراس
......................................أعذر جميع الناس وأخفي عذابـك
|