2014- 2- 22
|
|
متميز بملتقى المواضيع العامة
|
|
|
|
|
خارطة الطريق.....
بسم الله والصلاة على رسول الله
السلام عليكم ورحمة الله وبركاته
هذي احدى روائع بن جدلان
وتسمى خارطة الطريق
اتمنى تعجبكم والعذر والسموحه ان تم نشرها من قبل
يا ذا الجلال اللي عروشك فوق واملاكك حدر
ومهما تسامت به عروشه مستحيل يطولها
يا حي يا قيّوم يا ذات الأنافة والكبر
ما نافسك في عظمتك مكر العباد وهولها
وما نافسك من عمّر بيوته على سطح القمر
واللي ترسي فوق اقاليم المياه اسطولها
ما انته بحاجة من عبد ولا بحاجة من كفر
ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر
واللي ما يشكر نعمة المنعم عليه اتزولها
ياذا الجبروت العظيم ويا القدير المقتدر
تفزع لنا في معضلات(ن) ما نريس احلولها
تلعب بنا خلاّن فرغتنا كما لعب الكور
أن اقبلت صاحوا لها وأن ادبرت صاحوا لها
وان هبّنا الطايف بعض الأحيان في فيّة عصر
شهب الليالي من ورانا يسحبن اذيولها
أنت السلام اللي لك الإسلام وانت المشمخر
اللي عجايب قدرتك في المعجبين اذهولها
سلام يا محمد رسول الله راع الوجه الأغر
وسلام يا روح(ن) ملائكة السما صلّوا لها
سلام يا بو بكر يا عثمان يا علي وعمر
وسلام يا سبع الآفاق أطلالها واسفولها
سلام يا صدق النوى سلام يا وسع الصدر
سلام يا مفتاح بيبان الفرج واقفولها
وسلام يا شمس الضحى تشرق على بر وبحر
وتشرق على كل الديار اجبالها واسهولها
وسلام يا غر السحاب اللي تبجّح بالمطر
وشمّ الجبال اللي تبجّح بالسحاب قذولها
وسلام يا هوج الرياح اللي عطاها مستمر
مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر
ما تضمحل من الزمان ولا نشوف اسمولها
و ياليتنا لاما سرحنا اليوم الأبيض من فجر
تبطي عبات الليل ما تضفي عليه اسدولها
ولاّ ليامنها ضفنّ اسدولها يطلع بدر
ياصل ضياه اللي على الكوره تطق اطبولها
المعتبر يآخذ على الدنيا دروس من العبر
والناس يكسبها معاملها بقد اعقولها
أحيان تصدف لعبة الشاطر مع غلطة عمر
مرّه .. لكن لا عدت الغلطة ما عاد اينولها
وحنا عرفنا كلنا ما طال من شي(ن) قصر
والأحلام ماتوا قبلنا شرهين ما وصلوا لها
حتى الجمال اللي تحمّلها الهقاوي بالصبر
يالله بحملتها تقوم وتدّرج بحمولها
والحب سيسان العبادة والعبادة بالجهر
ان ما قدرت تقولها وجه الصحيح يقولها
يسرون عميان المحبة تيه في غدرا الغدر
اللي تحد اسيوفها واللي تعن اخيولها
ولا تفكر في غناة ولا تفكر في فقر
وتشفع لبيضان الصدور احضوضها وافعولها
واهل التكلف بالمعرفة والتصنّع بالبشر
والله ما هي حول الصحيح ولا الصحيح ابحولها
اللي يفضّل ما يقيّم بو ميه من بو عشر
حتى الفضولية عن الفاضل بطل مفعلوها
اللي تخبره لحيته ذا ..طولها يصبح بزر
واللي تخبره بزر يصبح لحيته ذا ..طولها
وسلامتكم...
http://www.youtube.com/watch?v=TOZ8QjN488s
|