حطي فبالك شهر وشوي تقريبا وراح تنتهي المشاركات و يبدا ضغط السيرفر و مشكلة عدم احتساب بعض درجات المشاركة و كل هالامور ...يعني يا نسوي شي من اليوم و رايح ولا نرفع طلب اعتذار او انسحاب من الجامعه احسن من يعدي علينا مستوى ثاني المعروف انه حق رفع معدل و ينخسف معدلنا .
حرام ماترضينها لنفسك ولا اقرب الناس لك يعدي مستوى ثاني و مارفعنا المعدل..وش ذنب مستقبلك..وش ذنب المسلمين اللي حاطين املهم فيك .. وش ذنب الامه العربية والاسلامية ..!؟
^^ البنت بتروح تجاهد على هالاسلوب .gif "(173)")
نزلي واحد من ملفات جداول المتابعة المطروحه في المنتدى
اطبعي واحد منها او احفظيها في سي دي و اطبعيها من اقرب مكان
اختاري اي وقت جلسة و استرخاء و افتحي اللابتوب وادخلي على البلاكبورد
اختاري اول مقرر و اضغطي مشاهده المحاضرة .. و خليها شغاله و كملي اللي كنتي تسوينه بالبيت.
حوالي نص ساعه او ساعه اختاري محاضرة ثانية و خليها.
يومين او ثلاث تقريبا بتلقين نفسك سويتها في اول محاضرة لكل مقرر .
جيبي ورقة جدول المتابعة.. و حطي علامة صح على كل المحاضرات الاولى اللي سويتيلها مشاهده.
الحماس هنا ان الورقة راح تبين لك انك شاركتي و ضمنتي درجة مشاركة المحاضرة الاولى لكل مقرر .
بين فترة و فترة ادخلي على كل ورشة عمل و شوفي اذا في خبر جديد عن الواجبات او المناقشات او لسا مانزلت.وكملي بنفس الطريقة للمحاضرات الثانية لكل مقرر..
وبيجي الحماس مع الوقت و ان شالله ترجعين للمحاضرات وتسمعينها و تقرين محتواها لو عل السريع لمجرد المعرفه و دخول جو الماده.