وهذة لعيونك اخي سطام
ويستاهلوا اهلنا اهل الشمال
وكـل القبايـل وافيـه بـدار الشـمـال
أهل الكرم والطيب وأصحـاب الفعـول
ماهمهم كثـر الغنـى وجمـع الريـال
والضيـف لاجاهـم يلاقـي لـه قبـول
أهل الصحون الواسعـه قـدر وجـلال
وأهل الـدلال الوالمـه يـوم المحـول
وساع الصدور تشهد لهم طيب (ال) فعال
مضرب مثل صدر الشمالـي للزعـول
أهل السيـوف الساطيـه وقـت القتـال
صفّو على حوض المنيـه لـو يطـول
تاريخهـم معـروفٍ عيـــــال الـحـلال
يشهـد لهـم كـل المـلا مابـه ميـول
وياطير ياللي طايـر ووجهـك شمـال
الله معـك ياطيـر وأسمـع وش أقـول
لاصرت رايـح ديرتـه أسمـع تعـال
وأحفظ وصاتي كاملـه وأبغـى فعـول
سلّم علـى رفحـا وعرعـر والجبـال
اللي معك بالخط مـن عـرضٍ وطـول
وطريف دار الكيـف مبطـي ولاتـزال
دار الرجال اللي لهـم طيـب الأصـول