|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ليلة البارحه هوجست بالوقت كلي
لين بيحت مكنون الخوافـي بليلـه
ماجفوني ولكن مابقى غيـر ظلـي
والمشاريه واجد والصداقـه قليلـه
أتشره ولا القى واحدٍ فاطـنٍ لـي
غير شعرٍ نتل قلب الضلوع النحيله
السوالف تسلي والأمانـي تسلـي
والبشر ضحكته بالوجه ماهي دليله
كل نجمٍ هوى من عقب ماهو معلي
مايعود ولو بالقلـب كـلٍ يشيلـه
عادة الوقت من نفس المعاند يذلي
ويتهاون إليا شاف النفوس الذليله
الرجل دمعته ماهو بعيـبٍ تهلـي
لكن العيب تصبح عن طموحه بديله
والبنادم حياتـه عقـدةٍ ماتحلـي
غير في طاعة المعبود رب النفيله
راحت أيامنا والعمر معهـا يولـي
والحياة أنتجرعها وهي حنظليلـه
ليلة البارحه مرقادهـا ماحصلـي
لين بيحت فيها ضيقـةٍ مستحيلـه
|