2014- 2- 24
|
|
متميز بملتقى المواضيع العامة
|
|
|
|
|
تعالوا نضحك مع الشعر...!
بسم الله والصلاة على رسول الله
وانا اتصفح بعض المواقع الشعريه لفت انتباهي بعض القصائد الفكاهيه فجمعتها وحبيت اشارككم
وياليت الاعضاء الكرام اللي عنده اي اضافه لايبخل علينا بها..
اضحك مع هذه الابيات
قلبي قبل فرقاك ما ينقص الزيت
واليوم أزيده في كل مشوار علبه
وفي هذا البيت أنا أجيز الشاعر فقد عبر عن حبه بصوره شعريه رائعه
يا ليتني في جيبك رياال مقطوع
يبقى معك ما يقبله اي دكان
وهذا مسوي فيها أحمد شوقي
ان لم تكن في كل الامور ذا عزيمة
فما عندك اليوم ماعند جدتي
وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح
وارتاح لا ظاقت عليك الوسيعه
(امحق حبيب)
أنا لله وأنا إليه لراجعون حتى الموضه دخلت الغرام:
شريت لي ثوبٍ على شان لقياك
والثوب راحت موضته ما لبسته
صوره شعريه أخرى تجسد الفكر لدى الشاعر:
أحزن على فرقاك مثل الوراعين
لآ مروا الدكان وأسرع أبوهم
وهذا شاعر ما ينشد به الظهر , لأنه مازج الحضاره بالأصاله :
هات الذلول وهات قوطي سفن اب
نغزي ديار القوم وناكل جلكسي
وهذا يعاني من مشكلة الإنشغال على الفاضي :
يامال فرقا العين كان ادفنوني
وفارقت أنا الدنيا وانا عندي اشغال
وهذا مآخذ مقلب بنفسه :
قالت أحبك قلت ماهي غريبه
سيارتي كشخه وانا حيل مزيون
وهذا شاعر متعود على نوع معين من العلاقات يقول:
وين الشتايم وين ذيك المسبات !!
وين اللذي لافز قلبي كسحني ؟؟
وين اللذي مالي حياتي اهانات ؟؟
وكل ما قلت له شي قام وسفهني !!
وهذا حب كهربائي:
أنا رفيقك لا ضرب كهربك شوط
أفزع بسكروبي وأفك الضفيرة
وهذا الأخ زاحف من جد :
كان الوعد مابيننا حذفة احجار
من كثر شوقي له حذفت وفلقته
وهذا الشاعر يوصف معشوقته راعية النت:
والله وصرتي تلبسين البناطيل
وعباة كتف مخصره وكعب عالي
موقع بالأنترنت لك خاص وإيميل
وبالشات لك (نك نيم) قالوا (نتالي)
مابقي إلا أسمك يبي شوي تعديل
بدال (عمشه) غيري لأسم دالي
فرحانه ب(عمشه) (؟ آت) هوت ميل
ياويل قلبي منك واشيب حالي
وش جاب (عمشه) بنت نت وبناطيل
(عمشه) تطيح إذا لبست كعب عالي!!
وهنا يتكلم الشاعر عن وضعه المادي:
مانـي متابع للسيـاسة والأخبــار..... ولا همـني أوباما ولافوز ماكـــيـن
ولا همني وش قال حسني وبشار .....وما همني لو زادوا الهند والصين
وما همني لو سوق الأموال منهار .....وماهمني لو كان خسروا ملايـين
ماهمني الا راتبي ذا الشهر طــار ......كله صرفته يوم خمسة وعشرين
التعديل الأخير تم بواسطة tMiM АŀqЋtАПi ; 2014- 2- 24 الساعة 03:29 PM
|