في التربية يقال: الضرب حيلة الضعيف
وفي صيانة البرمجيات كنت دائما أقول: الفورمات حيلة الضعيف
كنت لما أحاول تصليح كمبيوتر آخر شي ألجأ له هو الفورمات
مرة من زمان أخوي جاب لي كمبيوتر صاحبه، الويندوز ما كان راضي يشتغل، فجلست أحاول فيه إلى أن شغلته وتخلصت من المشكلة وصار يشتغل تمام بدون ما أضيع عليه أي بيانات أو أغير له أي إعدادات.
المشكله إنه - حسب كلام أخوي - ما أعجبه الشغل وقال إني ما سويت شي في الجهاز وما أستحق المبلغ اللي أخذته. الظاهر كان مستني أرجع له الجهاز نظيف ومفرمت وويندوز جديد. يعني سويت له الشغل الصعب، أما الفورمات ما في أسهل منه، حط السيدي في الجهاز وهو يسوي كل شي. يفرمت ويركب الويندوز.
فكان درس عن اختلاف وجهات النظر.