المشاركة الأصلية كتبت بواسطة أبو الحارث

بالنسبة للقطعة؛ فهي قطعة يقرأها الدكتور، وبناء على استيعابك لها يتم طرح 10 أسئلة عن مضمون القطعة.

أهم شي أثناء قراءة الدكتور للقطعة هو "التدوين"؛ سجل الملاحظات من القطعة؛ سجل الأماكن الأوقات الأشخاص؛ بحيث لما تبدى الأسئلة يكون تذكرك للقطعة سريع.

أهم شي لحل القطعة هو ترك النظر إلى الإجابات على الورقة؛ ركز على القطعة واكتب كل شي مهم تسمعه، بحيث لما يبدى الدكتور يقول الأسئلة تكون مستحضر اللي تحتاجه عشان تختار الإجابة الصحيحة.

القطعة قد تكون من المنهج، وحسب ما قالت "فجر" قد يكون من خارج المنهج؛ وقد يجيب قطعة من المنهج لكن يغير في كلماتها شوي.

بالمنهج مثلاً قطعة orientation سبق أن جابها بأحد الاختبارات؛ لكن الأسئلة اللي على القطعة ماهي نفس الأسئلة اللي بالمنهج؛

يبقى المطلوب منك أن تستمع للقطع اللي عندك وتستوعبها بشكل كامل؛ بحيث إن جاب أي سؤال عن هالقطعة تكون عندك القدرة على الإجابة عليه.

قطعة orientation راح نستعرضها لما جت بأحد الاختبارات القديمة.

الحين بالردود القادمة بأحاول أرفق القطع اللي أحس أنها مهمة؛ وبنتدرب عليها؛ وبأجتهد في ترجمتها؛

وبالاختبار حتى لو جاب قطعة من خارج المنهج، لا تخاف وتعامل معها؛ الغالب أن أي قطعة بيجيبها بتكون سهلة وبسيطة؛

وماهي مشكلة لو ما عرفت معنى كم كلمة بالقطعة، أهم شي تركز عشان تفهم السياق العام للقطعة.