المشاركة الأصلية كتبت بواسطة esloby

ههههههه يازينكم بس... وأنا أقول شكلي لحالي جايب العيد.. أجل الحمدلله الموت مع الجماعة رحمة.. ياعالم والله إني دافور , قز , فرن , ضو , لكن هالإختبار ذا والله العظيم أول مرة أتمنى درجة النجاح!!! يارجل والله العظيم أول مرة أجلس أحسب الأسألة الي حليتها صح!! بالعادة أقعد أحسب اللي أنا شاك فيها أدور الدرجة الكاملة وجع!!.. راح الإختبار دعااااوي... وشوله.. يكفي إني ماطلعت إلا الساعة 9 وأناظر يمنه ويسره برررحة!! مافيه إلا أنا وواحد مسيكين بآخر القاعة متكور على نفسه ويدعو بالهلاك على أخونا في الله الشريف..

السالفة مهب إنه الأسألة صعبة ... السالفة ياجماعة المنهج زبالة مع كامل إحترامي.. المنهج مترجم من الإنجليزي ترجمة حرفية أقرب مالها ترجمة قوقل وهذي كارثه وغلط.. مفروض تترجم لي المعنى.. وتكون المفردات والشرح واضح.. لكن اللي صاير قمة في الغموض.. أنا مبرمج ومطور وقد إشتغلت في لجنة مشاريع في الدفاع الجوي.. تعاقدنا مع شركة عربية وركبوا لنا نظام برمجوه بالجافا وقواعد بيانات أوراكل بملايين وشغلناه بالتوازي مع النظام القديم وأغلب الخطوات في المنهج هذا طبقناها . لكن المنهج صيغته مبهمه ومختلف عن الواقع وفيه تكرار رهيب وغموض ومتشابهات وقلق.. والله ماينفع معه لا فهم ولاحفظ!! حتى قراءه والله إني لاقريته حسيت بحموضه ... أنا مفقوعه تسبدي من هالجامعة..مهب بس هالمادة ذي كل المواد كذا!! أنا نفسي أعرف وش فايده حرف الدال اللي قبل إسم كل واحد منهم .. وآخر شيء يروح يشتري لي كتاب من جرير ويلصقه بالمحتوى ويقول امسكوا هذا المنهج حقكم!! ياخوي ليش الخساير على الدكاترة ورواتبهم جيبوا لكم مدرسين ثانوية أرخص.. كل ماله قص ولصق ويسجل فديو 14 ساعة يقرى المحتوى وبس!!! إذا دكتور ولا يحط منهج من تصرفه أو تعديله أو تأليفه أو خبرته أجل وش فايدته!! يعني الدعوة قرطاسة مكتوب فيها دكتور؟؟ عطوني ورقة وقلم أوريكم هههه أحطني بروفيسور طاقة ذرية!! الله المستعان بس