ملتقى طلاب وطالبات جامعة الملك فيصل,جامعة الدمام - عرض مشاركة واحدة - هام جداً اليوم تم منع طالبات جامعة فيصل من اداء الاختبار لسبب

طالب مشاغب · 2016- 5- 2

اقتباس:

المشاركة الأصلية كتبت بواسطة moghtrb

الاخوان والاخوات اللي محرومين لاي سبب اشوف تجيبون اعذار طبيه وتمشون اموركم...

بالنسبه للجامعه حذرت وارسلت رسايل كفاكم لوم للجامعه بسبب اهمالكم...

مرسلين لكل الطلبه / اصل الهويه + صوره من جدول الاختبار + اغلاق الهاتف والاجهزه الذكيه الاخرى + والباقي عارفينه

لذلك فكونا من القاء اللوم على الاخرين لو سمحتوا

ممكن المراكز كانت تتساهل وجاهم تنبيه وتشديد على هالامور لذلك ريحونا بالله

آسفين طال عمرك .. أزعجوك بالمنتدى بهذه المواضيع
ما يصير يا عالم .. خلوا عندكم شوية ذوق ونوتيلا

ترى المنتدى ساحبين له سلك كهرب من بيت الأخ .. وانتم ما غير تفتحون شكاوي بايخة وتولعون أنوار المنتدى ...
انتم ما تدرون انكم تصرفون كهرب على حسابه ..

على الأقل اكتبوا مواضيع سنعة والا طفوا الكهرب وانتم طالعين

المرة الجاية لازم تدخلون المنتدى وكل عضو معه أصل الهوية + صورة من رخصة السواقة + صك البيت + فاتورة جوال << شرط تكون موثقة بالبصمة

لا يكون جالسين على راسك ..وحنا ما ندري ..
هذا منتدى ..وللجميع حرية المشاركة فيه..

ما يرفع ضغطي الا اللي يرقص على جراح الاخرين
الحين .. طالبات ماسكات خطوط ..اللي يجيبها شايب وينتظر بالسيارة ..
والا اللي تتمصلح مع أخوها أبوراس وتعزمه على ماكدونالدز << عاد هو وجهه ما ياكل الا سبايسي

والا اللي تجمع فلوس الليموزين ..واللي تقطعت بالمذاكرة..
وآخرتها ..تجيك مراقبة توها حاجزة تذاكر سفر لاندونيسيا ..
وتمنعهن عن أداء الامتحان..!!!

خف علينا يا أبو النظام .. أجزم إنك أنت اول واحد ..ما طبقت هذا النظام ..
ولكن أسأل الله أن تكون مكانهن ..وترسب عشان جدول ما طبعته..

ترى حتى البنوك .. تفتح حسابات بالنت ..وبعدين تجيب الهوية والا معرف والا جواز ..
وهذي بنوك وفلوس .. ترى مو جايات يسرقن شهادات

واذا على النظام ..ترى الجنة ما ندخلها بأعمالنا..تراها بالرحمة...
عن النبي صلى الله عليه وسلم أنه قال: لن يدخل أحد منكم الجنة بعمله، قالوا: ولا أنت يا رسول الله؟ قال: ولا أنا إلا أن يتغمدني الله برحمته

الرحمة مطلوبة .. ولا تتشمت بمشاكل غيرك ..تراهن يتعبن ويجتهدن ..
ومو ناقصات أحد يعقدهن والا يستهبل عليهن ..المفروض المراكز تكون مرنة مع الطالبات .. ويساعدوهن ..ويعطوهن فرصة للمرة الجاية انها تحضر بطاقتها..<< يعني وين بتروح البنت.. تبي تهج

بـلا تحيـــــــة.