المشاركة الأصلية كتبت بواسطة ام عادل ودانية

انا ماراح ارفع تظلم وماني ضد الي بيرفع
بس في كلمتين ودي اقولهم لا تزعلون اذا قال الوزير الشهاده مو معترف فيها وشككو بقدرات طلبة الانتساب
دام اختبارات موضوعية واختيارات وناس مش قادره تفكر وتشغل مخها عشان توصل للاجابه الصحيحه !

وش بيكون حالكم لو كنتو منتسبين بالجامعه الالكترونيه او جامعة الامام وعزوز !
او طلبة منظمين !! اتوقع مابيبقى دكتور ماراح ترفعون عليه تظلم

هذي دراسات عليا ، طلبة جامعيين شي طبيعي الجامعي تكون عنده معلومات خارجيه تخص كل موضوع يدرسه
وخصوصا اننا لسنا في المراحل الاولى بل ماشاء الله ع باب التخرج !!

اتمنى محد يزعل من كلامي ، واي طالب بغير جامعتنا لو ينظر "لبعض" اختباراتنا ليجد فيها استخفاف بقدراتنا من حيث وضوح الجواب وضوح الشمس ولحسدنا الكثير ممن يريدون النجاح في الجامعات المتشدده

في معلومه حابه اختم فيها " الطالب الجامعي ملزم انه يبحث ويستقي في الماده الي يدرسها اي كانت وهناك بعض الجامعات السعودية الطلبة يعتمدون على انفسهم في استيعاب الماده وللعلم انهم انتظام ! لكن هيئة التدريس تعتمد عليهم ليخرجو كفاءات عاليه


اخيرا اتمنى لكم ولي النجاح والتخرج بتفوق .. العذر العذر والله ماكتبت هذا الا حب لكم ومن واقع تجربة بجامعتين قبل دراستي معكم
من له حق فليطالب فيه بنفسه لكن دون تحريض ..

احبكم في الله