2016- 5- 5
|
#54
|
|
متميز في برنامج الكويزات
|
رد: انطباعكم عن اختبار مادة نظرية الترجمة الفصل الثاني 1437 هـ
طلعت من البيت متوجه للإختبار وأنا مفهي ما أدري وش الوضع , ولا أدري مدخل هالمادة من مخرجها , أول ما وصلت وأخذت ورقة الأسئلة ومن فضل الله وحده وتيسير صرت أحل والغشاوة اللي كانت موجودة راحت , يااخوان الأسئلة تقريبا نصفها مكرر ولكن بصيغة أخرى , والباقي من رحمة الله انه جاب أشياء تنلقط يوم تراجع المحتوى .
باختصار اللي قرأ المحتوى وفحط فيه , ثم راجع أسئلة الأعوام السابقة فالإختبار هذا يحله وهو يضحك وعلى كوب شاهي .
رسالة للأجيال القادمة , الدكتور هالترم كرر بنسبة جيدة , ولكن لا تظمنونه الأترام الجاية , وثاني شي لا تكتفون ( نهااائيا ) بالأسئلة السابقة ,, لا بد لابد من مراجعة المحتوى وحفظ ما تقدرون من مصطلحات , لا تستهينون بالمصطلحات والكلمات المستخدمة بهالمادة لو تسوون لها تجميع راح يطلع لكم معجم أكسفورد مصغر 
يعني قبل الإختبارات بأسبوعين ( على الأقل ) لازم تراجعون المادة وتعرجون عليها بين الفينة والأخرى , حتى تكون مهضومة لكم ليلة الإختبار .
كثرت كلام , عموما الحمد لله حمدا كثيرا طيب مباركاً فيه كما يحب ربنا ويرضى ,, والله يسهل علينا جميعا ماتبقى .
|
|
التعديل الأخير تم بواسطة المربع ; 2016- 5- 5 الساعة 07:47 PM
|
|
|
|