ليش سموه الخليج العربي على شان يطل على ممر مائي اسمه الخليج العربي وربي بيسطة مرة
طيب مين اول واحد سمى الخليج عربي بهذا الاسم واحد يوناني اسمه ( بلينيوس ) ابو التيوس هذا حضرمي مو يوناني تخيل انه انه ابو التيوس هذا الروماني كان عنده تيس بقرن واحد
واقدم اسم للخليج كان بحر ارض الاله وربي كني اتفرج على فلم كرتون قصص الشعوب مدري جزيرة الكنز شوي يطلع لي سلفر بعكازة . في الالف الثالث قبل الميلاد كلمة الثالث وش تذكرك نسوي لها ربط الثالث من الاهلي بس حدد اي ثالث هل هي ثالث د او ثالث ك او ثالث م ق ..
اكيد الجواب الثالث ق م يعني قبل الميلاد
ارض الاله - الشروق الكبير - الكلدان = اله القمر - الجنوب وتقدر تختصرها بالسطر الي تحت
الخليج كان ارض فاصبح شمس ثم زاد رونقة فصار قمرا فزاد جماله فاصبح جنوباً الله الله وتلومني في الجنوب
يحتوي الخليج العربي على 130 جزيرة حشا رسيفر قناة الجزيرة 130 قناة مو بحر
اكبر جزيرة قشم الايرانية وسميت قشم يقال ان اهلها اول من قشم الحب ( الفصفص ) واكيد انهم عرب هو فيه احد غيرهم ياكل حب كناوي مو اوادم
يقول اشتهر الفرس بخوفهم من البحر نفسي اصدق بس قوية يارجل يجون شواطي الشرقية على لستك قال يخافون البحر عين خير
الحروب الميدية هذي وقعت بين محلات ميد الفارسية ومحلات ميد اليونانية في العصر الكلاسيكي
انتهت الصفحة الاولى من تلخيص ابو تركي