القصه بأختصار هي قصة Nora وزوجها Torvald Helmer
نورا أقترضت من البنك قرض عشان زوجها كان مريض ولما طلبوها كفيل وقعت بدال أبوها وماكانت تعرف أن هالشيئ يعتبر تزوير ويعتبر جريمه ..
طبعاً القرض أخذته بدون علم زوجها عشان لاتنجرح مشاعره لأنهم كانوا في ضائقه ماليه وقتها
Krogstad كان هو موظف البنك اللي أخذت منه القرض .. وعرف أنها زورته بس ماتكلم
كيف عرف ؟؟ لأن والدها توفي قبل تاريخ التوقيع
والدها توفي في 29 سبتمبر
والتوقيع كان في تاريخ 2 أكتوبر
كان هيلمر مريض ونصحوه الأطباء أنه ينتقل الى مكان دافئ علشان يشفى ..وأخذت القرض وأنتقلوا الى ايطاليا لفتره
من وقتها وهي تسدد الأقساط بدون مايعرف زوجها برضو
عندها 3 أولاد منه .. ولدين وبنت
..
تبدأ الأحداث في يوم عيد الميلاد لما تدخل ومعاها هدايا وأشترت لكل العائله حتى لخادمتها ولكن ما أشترت لنفسها
يجي زوجها خبر أنه صار مدير البنك .. وطبعاً كان هو مبسوط علشان الفلوس .. وهي كانت مبسوطه لأنها صارت تقدر تسدد القرض أسرع
كروقستاد وهيلمر كانوا أصدقاء لما كانوا أولاد لكن هيلمر صار يكرهه .. هم كانوا يشتغلون في نفس البنك
كروقستاد كان يعتبر فاسد وكان متهم بالتزوير .. وكان هيلمر يتضايق منه لما كان يناديه بأسمه الأول قدام موظفين البنك
هيلمر مايبغاهم يحسون أنهم أصدقاء
بعدما صار المدير الجديد أول قرار كان أنه يفصله من البنك ..
..
الحين ننتقل لنورا .. تجيها صديقتها القديمه ليندي ماشافتها من 10 سنوات
بعد السلام والكلام نفهم من السوالف اللي بينهم أن ليندي تزوجت بشخص عجوز وغني مع أنها ماتحبه
لكن كانت لازم تهتم بأمها المريضه وتصرف على أخوانها الصغار علشان كذا ضحت وتزوجته
والحين زوجها مات وأمها ماتت .. وأخوانها كبروا وكلن راح في سبيله
وصارت هي وحيده ومحتاجه وظيفه ..
نورا توعدها أنها تطلب زوجها يوظفها في البنك .. بما أنه صار المدير
..
يدق الباب ومين اللي كان عالباب : كروقستاد
شافته نورا وأنفجعت ..
والغريب أن حتى ليندي شافته ولفت وجهها للجهه الأخرى ! لييش ؟؟ بنعرف بعدين
كان يبغى زوجها .. ولكنه رجع بعد شوي وكلمها لحالها
هددها أذا زوجك طردني من البنك راح أفضحك أنك زورتي التوقيع
وشرح لها كيف أكتشف السالفه عشان التاريخ .. لكن هي مافهمت ان السالفه تعتبر جريمه
وكان عذرها : أنا سويت هالشيء من أجل الحب !
..
طبعاً نورا بالفعل طلبت زوجها أنه لايطرد كروقستاد .. لكن زوجها رفض رفض تام هالموضوع
وشرح لها أن كروقستاد مزور وفاسد .. وأنه يضر ويسمم المجتمع
وأن الشخص اللي يزور يكون ضرره شديد حتى على أولاده وأهل بيته .. لأنه يضطر أنه ينافق ويكذب
نورا حست أن الكلام كأنه موجه لها وأنصدمت
وأكد لنورا أنه مستحييل أنه يقدر يخليه في البنك .. ومستحييل تحت أي ظرف يقدر يعمل معاه
نورا مازالت في صدمة من كلامه عن تأثير المزور على أطفاله وخافت على أطفالها من نفسها
وقعدت تسأل نفسها .؟؟ هل أنا بالفعل ضريت وسممت أولادي لما زورت التوقيع ؟؟
..
يتـــــــــــــبع