ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات انطباعكم عن اختبار مادة نظرية الترجمة الفصل الثاني 1437 هـ

فهد الاكاديمي · 2016- 5- 6

اقتباس:

المشاركة الأصلية كتبت بواسطة نوآآره*

اخوي فهد مستحيل اني اذاكر اي ماده تخصص من غير ماافهم معاني كلماتها هذا شي بديهي ،،
المقصد من كلامي كله ان ضغط الاختبارات وتعبها صابني بوقت اختبار الترجمه اللي مذاكرتها بمجملها قبل الاختبارات فما قدرت اراجعها تمام ،، بس الاختبار تمام الحمدلله لو قدرت اراجعها كانت ال +a من نصيبي ،، بس قدر الله وماشاء فعل

أعتقد ان المشكلة اختي الكريمة اللي نعاني منها بشكل عام هي ضغط الوقت ولا لنا عذر مهما كانت المشاغل النفس بشكل عام مياله للهو وهذا شي طبيعي ولكن تذكر يوم التخرج او الهدف اللي من خلاله دخلنا هـ التخصص بيشجعنا وبيحول النفس من الميل للهو الى شعله من النشاط لتحقيق هذا الهدف , ومن ناحية الوقت مستحيل انه مايكون عندنا وقت طوال الاشهر الماضية لو خصصنا فقط ساعه كل يوم لقراءه المواد وذاكرنا قبل الاختبار بأسبوع ونصف اعتقد جبنا a+ بالراحه , وعشان ما اظلم احد ممكن البعض عنده مشكله النسيان او " القولون" وهو بحد ذاته مشكله لانه يدمر الاعصاب والتوتر يشعلله وحله دوسبتالين قبل الاكل بنص ساعه وقبل كل وجبه . ايضا طريقة المذاكرة لها دور يعني استراتيجتك اللي ماشية عليها في المذاكرة كيف هل تمسكين كل محاضرة وتجمعين جميع الاسئله اللي جات في الاختبار ثم تفهمينها وتحفظينها او استراتيجه قراءه عامه ثم حل اسئلة؟! ع العموم كلا الطريقتين اذا طبقت بوقت كافي اقل شي يومين نجحت في ان الشخص يعدي الماده .

برأيي ان قليل جدا من يحصل على 70 درجه في الاختبار الا اذا جات الاسئله مكررة في 95% منها وباقي الاسئله يحلها بناء على فهمه وحفظه .

بالختام نقطه مهمه جدا وهي تنظيم ساعات النوم ... لحد يجيني يقول اني اواصل او ادخل الاختبار وانا مواصل ويبي تركيز واسترجاع للمعلومات اللي درسها .. لابد ان الشخص ياخذ كفايته من النوم وهذا اهم شي يقدر يقوم من صلاه الفجر والبيت هادي ويعمل له نسكافيه "بدون" سكر .. تعطيه طاقه للساعه 10 او 12 الظهر ..

اعتقد اني طولت كثير لكن هي نصيحه عامه للجميع .

موفقين